धनकुटा — धनकुटाको भेडेटारमा एम्बुलेन्समा राखेर लैजाँदै गरिएको अवस्थामा ५२ किलोग्राम गाँजा फेला परेको छ । साँगुरीगढीबाट विराटनगरतर्फ जाँदै गरेको मे १ च २०३२ नम्बरको एम्बुलेन्समा उक्त परिमाणको गाँजा फेला परेको प्रहरीले जनाएको छ ।

एक केजीको दरले ५२ वटा प्लास्टिकको प्याकेटमा राखिएको अवस्थामा उक्त गाँजा बरामद गरिएको प्रहरीको भनाइ छ । प्रहरीले एम्बुलेन्स चालक विराटनगर महानगरपालिका ८ का ४८ वर्षीय जयदेव चेललाई नियन्त्रणमा लिएको छ ।