काठमाडौँ — सभामुख देवराज घिमिरेले ४ राजनीतिक दलका शीर्ष नेतालाई छलफलका लागि बोलाएका छन् । सभामुख घिमिरेले प्रधानमन्त्री पुष्पकमल दाहालसहित ४ ठूला दलका शीर्ष नेतालाई छलफलका लागि बोलाएका हुन् ।

कांग्रेसले सदनमा निरन्तर गृहमन्त्री रवि लामिछानेको सहकारी स‌ंलग्नता सम्बन्धमा छानबिन समिति माग गरेको विषयमा छलफल गर्न सभामुखले बैठक बोलाएको उनको सचिवालयले जनाएको छ ।

कांग्रेसले सहकारी ठगी प्रकरणमा छानबिन समिति नबने चैत २७ गतेदेखि सदन अवरुद्ध गर्ने चेतावनीसमेत दिएको छ ।