उद्योग वाणिज्य संघ निर्वाचन : खड्का र कँडेल प्यानलबीच प्रतिस्पर्धा, गठबन्धनको साथ खड्का प्यानललाई

सुर्खेत । आसन्न सुर्खेत उद्योग वाणिज्य संघको निर्वाचनमा हर्ष विक्रम खड्का र लक्षमण कँडेल प्यानलबीच प्रतिस्पर्धा हुने भएको छ । दुईवटै पक्षले प्यानलसहित उम्मेद्वारी दिएका हुन् ।

यसअघिको कार्यसमितिमा खड्का वरिष्ठ उपाध्यक्ष हुन् भने कँडेल महासचिव हुन् । पार्टीगत रुपमा सत्तारुढ गठबन्धन दलहरुको साथ खड्का प्यानललाई छ भने कँडेल पक्षधरमा नेकपा एमाले देखिएको छ ।

गठबन्धन दलहरु नेपाली कांग्रेस, नेकपा माओवादी केन्द्र, नेकपा (एकीकृत समाजवादी) र जनता समाजवादी पार्टीका जिल्लास्थित प्रमुखहरुले मंगलबार संयुक्त रुपमा खड्काको नेतृत्वलाई विजय गराउन आव्हान गरिसकेको छ ।

संयुक्त रुपमा जारी गरिएको विज्ञप्तिमा नेपाली काँग्रेसको तर्फबाट सुर्खेत सभापति खड्क पोखरेल, नेकपा माओवादी केन्द्रको तर्फबाट जिल्ला संयोजक जीतबहादुर राना, समाजवादीका तर्फबाट अध्यक्ष मोहन बडुवाल र जनता समाजवादीका तर्फबाट अध्यफ फत्तबहादुर सोतीमगरले हस्ताक्षर गरेका छन् ।

निर्वाचन कार्यतालिका अनुसार बैशाख २ गते राती १२ बजेसम्म चुनाव प्रचार अवधि र सोही दिन १२ बजेपछि मौन अवधि तोकिएको छ भने मतदान बैशाख ४ गते विहान ८ बजेदेखी साँझ ५ बजेसम्म हुनेछ ।

खड्का प्यानलका उम्मेद्वारहरु :

वृहत लोकतान्त्रिक साझा समूह बनाएर चुनावी मैदानमा उत्रिएका खड्का प्यानलबाट बरिष्ठ उपाध्यक्षमा गणेशबहादुर बस्नेत, बाणिज्य उपाध्यक्षमा प्रेमबहादुर रावत, उद्योग उपाध्यक्षमा सिंहराज बम, महिला उपाध्यक्षमा कृष्णाकुमारी थापा, महासचिवमा रामप्रसाद जैसी (राजु), उप–महासचिवमा पूर्णदेव अधिकारी, कोषाध्यक्षमा रामप्रसाद पाण्डे, सह–कोषाध्यक्षमा सूर्य केसीले उम्मेद्वार रहेका छन् ।

खुला पुरुष सदस्यहरुमा अर्जुनजंग शाही, पहलसिंह बस्याल, प्रेमबहादुर भण्डारी, मदनबहादुर थापा, लक्ष्मण खत्री देवकोटा, प्रेम शर्मा, अजय गुरुङ, भूवन ज्ञावली, बुद्ध तामाङ, महिला सदस्यमा कृति गुभाजु शाक्य, सदस्य एशोसियटमा जनक थापा र आरक्षित सदस्यमा सन्तोषकुमार बराइली उम्मेद्वार रहेका छन् ।

कँडेल प्यानलका उम्मेद्वारहरु :

कँडेलको संयुक्त व्यवासायी प्यानलका तर्फबाट वरिष्ठ उपाध्याक्षमा सूर्यबहादुर रावत, वाणिज्य उपाध्यक्षमा दिपेन्द्र ढकाल, उद्योग उपाध्यक्षमा प्रेमप्रसाद पाण्डे, महिला उपाध्यक्षमा तारा रावत, महासचिवमा भद्र भण्डारी, उप– महासचिवमा कृष्णप्रसाद सुवेदी, कोषाध्यक्षमा राजेन्द्रबहादुर शाही र सहकोषाध्यक्षमा भीमप्रसाद पौडेलले उम्मेद्वार रहेका छ ।

कंडेलको टिमबाट सदस्यहरुमा खुलातर्फ रमेश बराल, दिपक खड्का, प्रकाशकुमार तिमिल्सेना, विशाल ढकाल (विन्द्र जैशी), बालकृष्ण हमाल चालिसे, सागर भुषाल, टेकबहादुर थापा, सुरज थापा, गणेश खड्का, लक्ष्मी कार्की, महिला सदस्यमा लक्ष्मीकुमारी शर्मा तिवारी, हिमकुमारी उपाध्याय, एशोसियट सदस्यमा मिलन पन्त र आरक्षित सदस्यमा ज्ञानेन्द्र वि.क.रहेका छन् ।

0 Comments

*Enter your name

*Email not valid.

*2 characters minimum.

Do not change these fields following