मन्त्रिपरिषद् विस्तार विरुद्धकाे रिटमा अदालतद्वारा कारण देखाउ आदेश जारी

सुर्खेत । कर्णाली प्रदेशको मन्त्रिपरिषद् विस्तारविरुद्ध दायर रिटमा उच्च अदालत सुर्खेतले कारण देखाउ आदेश जारी गरेको छ ।
अधिवक्ता शेरबहादुर खत्री र टिका विष्टले मन्त्रिपरिषद् विस्तारमा समावेशी सिद्धान्त अवलम्वन नगरिएको भन्दै रिट निवेदन दायर गरेका हुन् ।

अदालतका कामु मुख्य न्यायाधीश शेषराज सिवाकोटीको एकल ईजलासले मुख्यमन्त्री तथा मन्त्रीपरिषद्को कार्यालयलाई आदेश जारी गरेको हो ।

रिट निवेदकको माग बमोजिम आदेश किन जारी हुनु पर्ने होइन ? आदेश जारी हुन नपर्ने कुनै कारण, आधार र प्रमाण भए सूचना प्राप्त भएको मितिले बाटोको म्याद बाहेक १५ दिनभित्र लिखित जवाफ पेश गर्न आदेश दिएको हो ।

साथै, अन्तरिम आदेशका सन्दर्भमा दुवै पक्षको भनाई सुनी निश्कर्षमा पुग्न उचित भएको भन्दै आगामी फागुन १० गतेका लागि पेसी तारेख तोकी छलफलका लागि बोलाईएको छ ।

सम्बन्धित समाचार

मन्त्रिपरिषद्‍ विस्तारमा समावेशी नगरिएको भन्दै उच्च अदालतमा रिट