सुर्खेत । नेपाली कांग्रेस जुम्लाको सभापतिमा संस्थापन पक्षीय सभापतिका उम्मेदवार कर्णबहादुर शाही विजयी भएका छन् ।
सभापति शाहीले खसेको कुल ९८१ मतमध्ये ४७४ मत ल्याएर विजयी भएका हुन् । उनका प्रतिस्पर्धी पौडेल पक्षीय सभापतिका उम्मेदवार दीपबहादुर शाहीले ४६९ मत ल्याएका थिए ।
पाँच मतको अन्तरले संस्थापन पक्षीय शाही विजयी भएको निर्वाचन अधिकृत अधिवक्ता हसिना प्रधानले जानकारी दिए ।
सभापति शाहीबाहेक अन्य पदाधिकारीमा पौडेल पक्षीय प्यानल नै विजयी भएको छ । जसमा पौडेले पक्षीय उपाध्यक्षद्वय दिपक शाहीले ५१६ र कार्मा बुढाले ४८६, सचिवद्वय अर्जुनसिंह कठायतले ५१८ र लक्ष्मण शाहीले ४५७, सहसचिवद्वय नन्दप्रसाद चौलागाईले ५०० र धनेन्द्र बोहोराले ४४८ मत प्राप्त गरेर विजयी भएका छन् ।
त्यस्तै, संस्थापन पक्षीय उपाध्यक्षद्वय नन्दराम बुढाले ४०५ र मक्करबहादुर हमालले ३७८, सचिवद्वय घनश्याम थापाले ३२९ र दानबहादुर बुढाले ३७० र सहसचिवद्वय धनबहादुर रावतले ४१८ र नवराज देवकोटाले ३८७ मत प्राप्त गरि विजय भएका छन्।
उनका अनुसार खसेको कुल ९८१ मतमा पाँच मत बदर भएको छ । महाधिवेशन प्रतिनिधिहरुको मतगणना गर्न बाँकी रहेको निर्वाचन समिति जुम्लाले जनाएको छ ।
