‘मेराे एक हजार’ अभियानमार्फत सल्यानमा २० थान अक्सिजन सिलिन्डर

सल्यान । नयाँ भेरियन्टसहितकाे काेराेना दाेस्राे लहरसँगै संक्रमितहरूका लागि अक्सिजन आवश्यक भैरहेकाे छ । यस अवस्थामा अक्सिजन सिलिन्डरको अभाब भैएकाेले सल्यानमा पनि ‘मेरो एक हजार’ अभियान संचालन गरिएकाे छ । साेही अभियान अन्तर्गत जिल्लामा एकै पटक २० थान अक्सिजन सिलिन्डर जिल्ला अस्पताल सल्यानलाई प्रदान गरिएकाे छ ।

साेही अभियानमा स्थानिय हपिस भण्डारी, आषिस केसी, गोविन्द आभाष शर्मा र टेकराज शाहीको सक्रियतामा अक्सिजन सिलिन्डर खरिद तथा महामारी विरूद्ध जुट्नका लागि सामाजिक सन्जाल फेसबुकबाट सहयाेग आह्वान गरिएकाे थियाे ।

अभियान अन्तर्गत संकलन भएको पाँच लाख बढी रकमले २० थान अक्सिजन सिलिन्डर खरिद गरेर आईतबार उद्योग बानिज्य संघका अध्यक्ष कुमार बुढाथोकीको उपस्थितिमा जिल्ला अस्पताल सल्यानलाई हस्तान्तरण गरिएकाे अभियान्ता आषिस केसीले जानकारी दिए ।

 सल्यानमा गत हप्ता अक्सिजनको कमी भइ अस्पतालहरुले बिरामीहरुको उपचारमा समस्या सिर्जित भैरहेकाे थियाे ।

‘हामीले अहिले सबै नेपालीबाट एकएक पसिना जम्मा गरेर अस्पतालको सम्पत्तिको रुपमा पनि सिलिन्डर जोडिदिएका छौ। अक्सिजनको कमिले अब कुनैपनी नागरिकले अकालमा ज्यान गुमाउने छैन्न भन्ने आशा गरेका छौ, अभियान्ता तथा पत्रकार आशिष केसीले बताए ।

उनले करिब ८ दिनमा पाँच लाख २१ हजार रकम संकलन भएको र ४ लाख ४० हजारको सिलिन्डर खरिद गरिएको उनिले बताए । केही रकम बचत रहेकोले त्यसको सदुपयोगको लागि अर्को अभियानको पनि तयारी गरेको जानकारी दिए ।

युवा अभियान्ताले जुटाएका खाली सिलिन्डर यस पटकका लागि गहेन्द्र गिरीले अक्सिजन भर्नका लागि सहयाेग गरिएकाे जनाइएकाे छ ।