![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
सुर्खेत । कर्णाली प्रदेशमा पछिल्लो २४ घण्टामा थप २७० जना कोरोना संक्रमित थपिएका छन् । आरटी पीसिआर विधि र एन्टिजेन बिधिबाट कोरोना परीक्षण गर्दा २७० मा कोरोना संक्रमण पुष्टि भएको हो । कर्णालीका विभिन्न प्रयोगशालामा ३२७ जनामा आरटी पीसिआर विधिबाट परीक्षण गर्दा १८६ जनामा र एन्टिजेन विधिबाट १५२ जनामा परीक्षण गर्दा ८४ जनामा कोरोना पुष्टि भएको कर्णालीमा प्रदेश स्वास्थ्य सेवा निर्देशनालयले जनाएको छ ।
यस्तै २४ घण्टामा चार जना कोरोना संक्रमितको मृत्यु भएको छ । मृत्यु हुनेमा रुकुम पश्चिम मुसिकोट नगरपालिका–५ का ६२ वर्षीय महिलाको रुकुम पश्चिम अस्पतालमा उपचारका क्रममा, सुर्खेत भेरीगंगा नगरपालिका–५० वर्षीय महिलाको प्रदेश अस्पतालमा उपचारका क्रममा, सल्यान सिद्धकुमाख गाउँपालिका–३ का ३४ वर्षीय पुरुषको प्रदेश अस्पतालमा उपचारका क्रममा र सल्यान बागचौर नगरपालिका–६ का ७० वर्षीय पुरुषको सल्यान अस्पतालमा उपचारका क्रममा मृत्यु भएको कर्णाली प्रदेश स्वास्थ्य सेवा निर्देशनालयका निमित्त प्रमुख डा.रविन खड्काले जानकारी दिए ।
पछिल्लो २४ घन्टामा कोरोना भाइरस (कोभिड–१९) संक्रमणबाट निको भई डिस्चार्ज हुनेहरुको संख्या ६८ रहेको जनाइएको छ । जसमध्ये सुर्खेतका ५५ जना, कालिकोटका ११ जना र रुकुम पश्चिमका २ जना निको भएर डिस्चार्ज भएका हुन् । हाल कर्णालीमा २ हजार ४ सय सक्रिय संक्रमित आइसोलेसनमा रहेका छन् ।
