![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
सुर्खेत । कर्णाली प्रदेशका प्रदेश प्रमुख गोविन्द्रप्रसाद कलौनीसँग भेटघाट गर्न आएका प्रदेश २ का प्रदेश प्रमुख डा. राजेश झा (अहिराज) ले दुर्घटनामा घाइतेको उद्धार गरेका छन् ।
उनले सुर्खेतको भेरिगंगा नगरपालिकाको हर्रेमा सवारी दुर्घटनामा घाइते भएका जाजरकोटका ४६ वर्षीय शेरबहादुर सिंहको उद्धार गरेका हुन् ।
शनिबार दिउँसो साढे २ बजेतिर नेपालगञ्जबाट फलफुल बोकेर आउँदै गरेको कर्णाली प्रदेशको ०२५६ नम्बरको मिनीट्रक र बा ५ ख ४२०७ नम्बरको ट्रक एकआपसमा ठोक्किँदा मिनीट्रक पल्टिएको थियो ।
घाइते उनलाई प्रदेश प्रमुख झाले आफ्नै गाडीमा राखेर बाँके कोहलपुर मेडिक कलेज पु¥याएका हुन् ।
घाइतेको अवस्था हेर्दा अर्को गाडी आउने बेला सम्म ढिला हुने भएकाले आफ्नै गाडीमा राखेर उनले कोहलपुर मेडिकल कलेजमा पु-याईएको प्रहरीले जनाएको छ।
जिल्ला प्रहरी कार्यालय सुर्खेतका अनुसार, घाइते सिंहको टाउको, दाहिने पाखुरा र शरीरको अन्य भागमा समेत चोटपटक लागेको छ । अहिले उनको अवस्था सामान्य रहेको जिल्ला प्रहरी कार्यालय सुर्खेतले जनाएको छ ।
प्रदेश प्रमुख डा.अहिराजले सबै प्रदेशका प्रमुखहरुसँग भेटघाट र अनुभव आदानप्रदान कार्यक्रम सुरु गरेका छन् । सोहीअनुसार उनी कर्णाली प्रदेशका प्रमुख गोविन्द प्रसाद कनौलीसँग भेटघाट तथा अनुभव आदानप्रदान पश्चात फर्किएका हुन्।
