![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
सुर्खेत । लामो समय पछि कर्णाल प्रदेशमा लोकसेवा आयोगले पुर्णता पाएको छ। प्रदेश सरकारले बिहीबार आयोगको अध्यक्षमा रामप्रसाद उपाध्यायलाई नियुक्त गरेको छ ।
यस्तै, सदस्यहरुमा बसन्तीकुमारी शाही र भक्तबहादुर खड्कालाई नियुक्त गरिएको छ ।
तीनै जनालाई प्रदेश प्रमुख गोविन्द्रप्रसाद कलौनीले पद तथा गोपनियताको सपथ खुवाएका छन् । उपाध्याय पूर्व शिक्षा निर्देशक समेत हुन्।
पदाधिकारी नियुक्तीमा भागबण्डा
लोक सेवा आयोगका पदाधिकारी चयनमा भागबण्डा गरिएको पाइएको छ। जस अन्तर्गत मुख्यमन्त्री महेन्द्रबहादुर शाही, प्रमुख प्रतिपक्षी दल नेपाली काँग्रेसका दलका नेता जीवनबहादुर शाही र सभाका सभामुख राजबहादुर शाहीले भागबण्डा गरेका पाइएको हो ।
आयोगको अध्यक्षमा नियुत्त भएका रामप्रसाद उपाध्याय मुख्यमन्त्री शाहीको कोटाबाट नियुक्त भएका छन भने अर्का सदस्य खड्का सभामुख शाहीको कोटाबाट नियुक्त भएको बताईएको छ।
अन्य सदस्यले दलको प्रतिनिधित्व गराए पनि विपक्षी दलका नेता जीवनबहादुरशाहीले आफ्नै श्रीमती बसन्ती कुमारी सिंह शाहीलाई आयोगको सदस्य बनाएको स्रोतको दावी छ ।
