![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
सुर्खेत । नेपाल कम्युनिष्ट पार्टी (नेकपा) का स्थायी कमिटी सदस्य ‘प्रचण्ड–मावध’ समुहका नेता जर्नादन शर्मा ‘प्रभाकर’ले कुनै पनि हालतमा निर्वाचन हुन नसक्ने बताएका छन् । नेकपाको विवादलाई थाति राखेर निर्वाचन हुन नसक्ने उनले बताएका हुन् ।
मंगलबार प्रेस संगठन नेपाल, सल्यानले खलंगामा आयोजना गरेको पत्रकार भेटघाट कार्यक्रममा बोल्दै शर्माले भने,‘ प्रधानमन्त्री केपि शर्मा ओलीले संसद विघटन गरेपछिको नेकपाको विवाद निर्वाचन आयोगमा बिचाराधिन अवस्थामा रहेकाले यस्तो अबस्थामा मध्यावधिक निर्वाचन हुन सक्दैन्।’
अहिले नेकपा भित्रको विवाद उत्कर्षमा पुगेको छ,’उनले भने,‘ पार्टीको आधिकारिकताको लागि विवाद निर्वाचन आयोगमा पुगेको छ ।’ यदी यस्तो अवस्थामा निर्वाचन गर्न खोजियो भने त्यसको हिसाब–किताब त जनताले गरिहाल्छननी ।’
उनले नेकपा भित्रको विवाद पार्टी विशेषको नभई नयाँ प्रणाली (संघियता, धर्मरिपेक्षता, समानुपातिक समावेशीता) को कार्यान्वयन गर्ने वा नगर्ने बिषयको लडाइँ भएको बताए । ‘अहिलेको पार्टी विभाजन पद, प्रतिष्ठाको लागि होईन् । राजनीतिक स्थायित्व र समृद्ध नेपाल निर्माणको लागि भएको शर्माले जिकीर गरे ।’
पुर्व गृहमन्त्री समेत रहेका नेता शर्माले अहिलेको संसद विघटन संविधान खारेजी जस्तै भएको टिप्पणी गरे । संविधानको धारा नै कुल्चिएर संसद विघटन गर्नु संविधान खारेजी गर्नु सरह नै हो ,’उनले भने ।
