आमहडतालविरुद्ध सुर्खेतमा ओली समूहको विरोध र्‍याली (भिडियाेसहित)

सुर्खेत । नेकपा प्रचण्ड–नेपाल समूहको आमहडतालको विरोध गर्दै नेकपा ओली समूहका कार्यकर्ताले मोटरसाइल र्‍याली निकाले छन् । सुर्खेतको वीरेन्द्रनगर बजारमा उनीहरूले आमहडतालविरुद्ध विरोध र्‍याली निकालेका हुन् ।

प्रचण्ड–नेपाल पक्षले हडताल गरेर नागरिकलाई दुःख दिएकाले बन्दको विरोधमा र्‍याली निकालेर बजार परिक्रमा गरेको अध्यक्ष धुपेन्द्र शाहीले बताए । ‘नागरिकलाई दुःख दिने किसिमले गरिएको बन्दको कुनै औचित्य छैन्’ उनले भने, ‘त्यसको विरोध गर्दै मोटरसाइकल र्‍याली निकालिएको हो ।’

ओली समूहनिकट अनेरास्ववियूले ‘बन्द गर्न पाइँदैन’, ‘विद्यार्थीलाई पढ्न देऊ’, ‘व्यापारीलाई व्यापार गर्न देऊ’ लगायतका नारा लगाउँदै बजार परिक्रमा गरिएको शाहीले जानकारी दिए ।

भिडियाे हेर्नुहाेस् :