सुर्खेत । दलाल र मालपोत कर्मचारीको मिलेमतोमा जग्गाधनीलाई थाहै नदिएर जग्गा नामसारी गरेको आरोपमा थप दुई जना पक्राउ परेका छन् ।
वीरेन्द्रनगर नगरपालिका ६ का सौगात रावतको जग्गा किनबेचका लागि सिफारिस गरेको आरोपमा वीरेन्द्रनगर वडा नम्बर १२ का कार्यवाहक अध्यक्ष राम प्रसाद दर्लामी र वडा सचिव उत्तम अधिकारीलाई प्रहरीले नियन्त्रणमा लिएको हो ।
यसअघि मालपोत कार्यालयका नायव सुब्बा विश्वरुप सावत र आवश्यक कागजात लिखित गर्ने अम्मरसिं कटुवाल पक्राउ परेका थिए ।
उनिहरुलाई जिल्ला प्रहरी कार्यालय सुर्खेतको हिरासतमा राखी अनुसन्धान गरिएको छ भने घटना छानविनका क्रममा रहेकोले थप कर्मचारी पक्राउ गर्ने प्रक्रियामा रहेको विशेष स्रोतले जनाएको छ ।
यो पनि हेर्नुहोस :
-जग्गाधनीलाई जानकारी नभएरै ६ कित्तामा जग्गा बेचियो
– मालपोत कर्मचारीद्वारा सरकारी छापको दुरुपयोग गरी विज्ञप्ती प्रकाशन
-जग्गाधनीलाई पत्तै नदिएर अर्काको नाममा जग्गा, मालपोतका आरोपी नासु प्रहरी नियन्त्रणमा
