कालीकोटमा बाबुले घरमा आगो लगाउँदा दुई छोराको मृत्यु

सुृखेत । कालीकोटको नरहरिनाथ गाउँपालिका-७, दुदुल्लीमा बाबुले घरमा आगो लगाउँदा दुई छोराको जलेर मुत्यु भएको छ । नरहरिनाथ गाउँपालिका-७ का भैरे बटालाले आफ्नो घरमा आगो लगाउँदा उनका दुई छोराको जलेर मृत्यु भएको हो ।

घरायासी झगडाका कारण बटालाले घरमा आगोे लगाउँदा उनका १२ र सात वर्षीया छोरा गणेश बटाला र  मनबहादुर बटालाको मृत्यु भएको जिल्ला प्रहरी कार्यालय कालीकोटका प्रहरी प्रमुख चक्रबहादुर शाहले बताए ।

बटालाले घरमा आगो लगाउँदा उनका चार वर्षीय छोरा खगेन्द्र बटाला घाइते भएका जिल्ला प्रहरी कार्यालय कालीकोटले जनाएको छ ।

प्रहरीका अनुसार घरमा आगो लगाएका बटालाले विष सेवन गरेका छन् । उनकाे अवस्था पनि गम्भीर रहेकाे प्रहरीले जनाएको छ ।