प्रधानमन्त्रीको कदम प्रतिगामी : मुख्यमन्त्री शाही

सुर्खेत । कर्णाली प्रदेशका मुख्यमन्त्री महेन्द्रबहादुर शाहीले प्रधानमन्त्री केपी शर्मा ओलीको कदम प्रतिगामी भएको बताएका छन् । मुख्यमन्त्री तथा मन्त्रीपरिषद्को कार्यालयमा आयोजना गरेको पत्रकार भेटघाट कार्यक्रममा मुख्यमन्त्री शाहीले प्रधानमन्त्री ओली चालेको संसद बिघटन प्रतिगामी, अलोकतान्त्रिक र असंबैधानिक भएको बताएका हुन् ।

प्रधानमन्त्रीले चालेको कदम असबैधानिक भएका कारणले फिर्ता लिनुपर्ने मुख्यमन्त्री शाहीले बताए । ‘निश्पक्ष न्यायलयले शक्ति पृथकीकरणको सिद्धान्त अनुसार दुर्घटना हुनबाट रोक्नुपर्छ ।’ उनले भने,‘त्यसपछि मात्र देश पुनःसोही ठाउँमा आउँछ र पार्टी भित्रको विवाद पनि समधान हुन्छ ।’

विगतमा देशमा रहेको अस्थिर राजनीति जनताले सही दिशातर्फ जान्छ भनेर नै नेकपालाई दुई तिहाई मत दिएको र विगतको सत्ता सघर्ष सकिने आस गरेकोमा प्रधानमन्त्रीले त्यसमा कुठराघात गरेको मुख्यमन्त्री शाहीले बताए । ‘यो देश बनाउनका लागि दश वर्ष लाग्छ । त्यसै आसामा जनताले नेकपालाई बहुमत दिएका हुन् ।’ उनले भने,‘भएको स्थिर व्यवस्थालाई हटाएर मध्यावती निर्वाचनले देशको हित गर्दैन । त्यसले देशलाई अस्थिर बनाउँछ ।’

सरकार ढाल्ने बनाउने खेलले नेपालको राजनीति खराबम मोडमा गएको अहिलेका प्रधानमन्त्री पनि भएको दुई तिहाइको बहुमतको सरकार बिघटन गरेर मध्यवती निर्वाचन हुन नसक्ने बताए । ‘सरकार बनाउने ढाल्ने खेलले प्रधानमन्त्री, मुख्यमन्त्री, मन्त्रीहरु त
बदलिएलान् ।’ उनले भने,‘तर, देश त बन्दैन् । यसैमा चिन्ता सबैले गर्नुपर्छ ।’

मुख्यमन्त्री शाहीले कर्णाली प्रदेश सरकारका मन्त्रीहरु परिवर्तन हुने बताए । ‘उपयुक्त समयमा कर्णालीमा मन्त्रीहरु फेरबदल हुन सक्छन् ।’ उनले भने,‘त्यस बिषयमा अहिले पनि छलफल
चलिरहेको छ ।’