बस दुर्घटना अपडेट : चालकको मृत्यु, घाईतेलाई अस्पताल लगियो

सुर्खेत । सुर्खेतको गुर्भाकोट नगरपालिका —९ गराले गौडा नजिक भएको दुर्घटनामा मृत्यु हुनेमा चालक सुमन नेपाली रहेको प्रहरीले जनाएको छ ।
दाङ् बबई गाउँपालिकाका २२ बर्षीय उनको दुर्घटनास्थलमै ज्यान गएको छ भने घाईते हुनेमा कालिमाटी गाउँपालिका —४ खैरेनीका ३० बर्षीय इश्वर सुनार रहेको जिल्ला ट्राफिक कार्यालय सुर्खेतले जनाएको छ ।

ना ५ ख ७७५० नम्बरको मिनिबस विहीबार दिउँसो करिब २ : ५० बजे गराले गौडा नजिकबाट अनियन्त्रित भई सडक देखि करिब २ सय मिटर तल नदीमा खसेको थियो ।

बसमा सवार तिन जना मध्ये एक जना अझै वेपत्ता रहेको ट्राफिक प्रमुख उपेन्द्र आचार्यले जानकारी दिए ।

घाईतेलाई उपचारका लागि अस्पताल पठासकिएको छ ,’उनले भने । बस भेरी नदीको बीच भागमा पुर्ण रुपमा डुबेको छ ।

घटना बारे थप अनुसन्धान भईरहेको प्रहरीले जनाएको छ।

याे पनि हेर्नुहाेस :

भेरी नदीमा बस खस्दा १ को मृत्यू, एक घाईते

0 Comments

*Enter your name

*Email not valid.

*2 characters minimum.

Do not change these fields following