आउँदो फागुनमा ‘कर्णाली उत्सव’ दोस्रो संस्करण

सुर्खेत ।  ‘ कर्णाली उत्सव’ को दोस्रो संस्करण आउँदो फागुनमा हुने भएको छ ।

कर्णालीको विभिन्न विविधता (भाषा, कला, संस्कृति, आर्थिक, राजनैतिक, सामाजिक) विषयमा यो बर्ष पनि कर्णाली उत्सवनको तयार थालिएको हो ।

समग्र कर्णालीको विषयमा हुने छलफलमा राष्ट्रिय तथा अन्तर्राष्ट्रिय विचारको सशक्तमन्थन हुने पत्रकार सम्मेलन गरेर आइतबार जानकारी गराईएको छ ।

ऋति फाउन्डेसनले वीरेन्द्रनगर सुर्खेतले फागुन २७, २८ र २९ गते पर्यटकीय क्षेत्र बुलबुले उद्यानमा उत्सव हुने बताएको छ ।

फाउन्डेसनले कोरोना भाइरस संक्रमणको जोखिमलाई ध्यानमा राखेर भौतिक दूरी कायम गरेर धेरै दर्शकको प्रत्यक्ष सहभागिता गराउने तर्फ ध्यान केन्द्रित हुने बताएको छ ।

यदि फागुनमा कोरोना संक्रमणको जोखिम बढ्दै गएको अवस्थामा अभौतिक रूपमै भए पनि उत्सवलाई निरन्तरता दिने बताएको छ ।

आयोजक समितिका संयोजक तथा ऋति फाउन्डेसनका अध्यक्ष कमलराज लम्सालले विभिन्न व्यक्तिहरू, सरकारी तथा गैरसरकारी निकायहरूसँगको सहकार्यमा कर्णाली उत्सव सञ्चालन गर्न लागिएको जनाए ।

उनले भने,‘ उत्सवमा देशभरमा गरेर ५० भन्दा बढी साहित्यकार, लेखक, पत्रकार, कलाकार तथा अन्य विशिष्ट व्यक्तिको उपस्थिति रहने छ ।’

उत्सवको मुल ध्याए भनेको कर्णालीको विगत्, वर्तमान र भविष्यको चित्रण गर्नु नै हो । यस उत्सवलाई कुम्भ मेला पनि भनिएको अध्यक्ष लम्सालले बताए ।

गत फागुन महिनमा पनि ऋति फाउण्डेसनले भाषा, साहित्य, संस्कृति र कलाका विषयलाई मुख्य बहस बनाउने परम्परालाई तोड्दै मानव जीवनका सम्पूर्ण अवस्थालाई समेटेर १४ वटा विभिन्न सत्रमा समृद्धिको सपनाबार बहस गरेको थियो ।