सुर्खेत । राष्ट्रिय प्रजातन्त्र पार्टी (राप्रपा) सुर्खेतले सरकार असफल भएको उल्लेख गर्दै सुर्खेका प्रमुख जिल्ला अधिकारी हिरालाल रेग्मिलाई ज्ञापन–पत्र बुझाएको छ ।
राप्रपा सुर्खेतले २२ बुँदे माग राख्दै प्रमुख जिल्ला अधिकारी मार्फत प्रधानमन्त्री खड्गप्रसाद ओलीलाई ज्ञापन पत्र बुझाएको हो ।
मुलुक अहिले समकालीन इतिहासको सर्वाधिक कठिन घडीबाट गुज्रिरहेको बताउँदै नेपाली जनजीवन र अर्थतन्त्र नराम्रोसँग प्रभावित भएको छ,’ ज्ञापन पत्रमा भनिएको छ ।
यस्तो अवस्थामा प्रधानमन्त्रीको असंबैधानिक सिफारिसमा राष्ट्रपतिद्वारा प्रतिनिधिसभाको विघटन पश्चात देश अत्यन्त गम्भिर संवैधानिक, राजनीतिक संकटमा समेत फसेको राप्रपाको निष्कर्ष छ ।
पत्रमा अगाडि भनिएको छ, ‘कोभिड–१९ को महामारी नियन्त्रण, महंगी, बेरोजगारी समस्याको समाधान, भ्रष्टाचार नियन्त्रण र धर्म परिवर्तन रोक्न सरकारको असफलता र उदासीनताको विरोध एवं सनातन धर्म सापेक्ष हिन्दु राष्ट्र र राज संस्था पुनःस्थापनाको पक्षमा राप्रपा संघर्षमा जाने तयारीमा छ ।’
राप्रपा सुर्खेतका अध्यक्ष मानबहादुर खड्काले ओली सरकारले जनतालाई धोका दिएकाले विकल्प खोज्नुपर्ने बेला आएको बताए ।
ज्ञापन पत्रमा १० कक्षा सम्म सस्कृत शिक्षा अनिवार्य गर्नुपर्ने भनिएको छ ।
नागरिकता सम्बन्धी विवाद अन्त्य, महिला विरुद्ध हुने सबै प्रकारका हिंसाको अन्त्य लगाएत विभिन्न मागहरु उल्लेख गरिएको छ ।
राप्रपाकी केन्द्रिय सदस्य शन्तोषी शाहीले जनता ओली सरकारबाट आजिद भईसकेकाले राजतन्त्रको विकल्प अरु नभएको बताईन् । उनले भनिन,’ ओली सरकार भ्रष्ट्राचारले लिप्त भईसक्यो ।
