मुख्यमन्त्री रोजगार कार्यक्रम : प्रत्येक जिल्लामा १७ देखि ४४ करोड बजेट

सुर्खेत । कर्णाली प्रदेश सरकारले गत आर्थिक बर्षदेखि सञ्चालनमा ल्याएको मुख्यमन्त्री रोजगार कार्यक्रम चालु आर्थिक बर्षमा समयमा नै सञ्चालन गरिने गरी तयारी थालिएको छ ।

गत आर्थिक बर्ष ढिलोगरी जेठ अन्तिम सातामा मात्र बजेट पठाईएको थियो । असार महिनामा मात्र काम शुरु गरेका स्थानीयतहहरुले प्रभावकारी रुपले काम गर्न सकेनन् ।

यस बर्ष भने स्थानीयतहमा बजेट पठाउने तयारी करिब अन्तिम चरणमा पुगेको प्रदेश सरकारले बताएको छ । यस वर्ष प्रत्येक वडामा ३३ लाख देखि ६५ लाखसम्म बजेट पठाउने तयारी गरिएको छ भने ,’प्रत्येक जिल्लामा १७ करोड देखि ४४ करोड सम्म बजेट विनियोजन गरिएको छ।’

मुख्यमन्त्री तथा मन्त्रिपरिषदको   न्त्रिपरिषद् कार्यालयले जनसंख्या, भौगोलिक विकटता, गरिबी जस्ता कुराहरूलाई प्राथमिकतामा राखेर रकम पठाउने तयारी भइरहेको जानकारी दिएको छ ।

मुख्यमन्त्री रोजगार कार्यक्रमका लागि वडागत रूपमा २ अर्ब ९७ करोड ७१ लाख ५१ हजार रुपैयाँ विनियोजन गरिएको छ ।

उक्त, रकम प्रदेशका ७९ ओटा स्थानीय तहका ७१८ ओटा वडामा पठाइने मन्त्रालयका प्रवक्ता/सुचना अधिकारी केशवप्रसाद उपाध्यायले जानकारी दिए ।

हाल योजना छनोटको काम भईरहेको छ । पुस ६ गते मात्रै प्रत्येक स्थानीयतहलाई बेरोजगार व्यक्तिहरुको विवरण पठाउन परिपत्र गरिएको छ। यही पुस १५ गते भित्रै १८ बर्षदेखि–५९ बर्ष उमेर समुहका व्यक्तिहरुको विवरण पठाउन आग्रह गरिएको छ ,’उनले भने ।

गत बर्षको तुलनामा यो बर्षको बजेट निकै धेरै हो । गत आवमा ७८ करोड २५ लाख ५४ हजार २७४ रुपैयाँ खर्च भएको यो कार्यक्रमका लागि प्रत्येक स्थानीयतहलाई ६४ लाखमा दरमा रकम उपलब्ध गराईएको थियो ।

‘गरिब एवम् बेरोजगार व्यक्तिहरुको जीवनस्तरमा सुधार, गरिबी न्यूनिकरणका सहयोग पु¥याउने कार्यक्रमको लक्ष्य छ ।’

सोही अनुसार यस वर्ष मानिसले रोजगार पाउने तटबन्ध निर्माण, कृषि सडक निर्माण, विद्यालय, सिँचाइ कुलो निर्माण जस्ता क्षेत्रलाई विशेष प्राथमिकता दिईएको छ ।
गत आर्थिक बर्ष अन्तिम समयमा बजेट पठाउँदा बजेटको सही सदुपयोग हुन सकेन् । प्रत्येक स्थानीयतहमा १/१ योजना थिए, भने कुनै स्थानीयतहमा दुईओटा सम्म योजनमा रकम खर्चिईएको थियो ।

पद मार्ग, घोडेटो बाटो, मन्दिर निर्माणलाई यो पालि बजेट दिईएको छैन्,’ प्रवक्ता उपाध्यायले भने । मुख्यमन्त्री रोजगार कार्यक्रमका लागि ३ अर्ब ८० करोड रुपैयाँ बजेट प्रदेश सरकारले विनियोजन गरेको छ ।

‘जसमा मुख्यमन्त्री रोजगार कार्यक्रमसँगै एकीकृत बस्ती विकास कार्यक्रम, कर्णाली उज्यालो कार्यक्रम, सेयर साझेदारी सहुलियत कार्यक्रम, उद्यमशीलता तथा आय–आर्जन कार्यक्रम, मुख्यमन्त्री महिला दलित युवा उद्यमी खाद्यान्नका लागि कार्यक्रम जस्ता थुप्रै कार्यक्रम रहेका छन् ।’

पद मार्ग, घोडेटो बाटो, मन्दिर निर्माणलाई यो पालि बजेट दिईएको छैन्। मुख्यमन्त्री रोजगार कार्यक्रमका लागि ३ अर्ब ८० करोड रुपैयाँ बजेट प्रदेश सरकारले विनियोजन गरेको छ ।
‘जसमा मुख्यमन्त्री रोजगार कार्यक्रमसँगै एकीकृत बस्ती विकास कार्यक्रम, कर्णाली उज्यालो कार्यक्रम, सेयर साझेदारी सहुलियत कार्यक्रम, उद्यमशीलता तथा आय–आर्जन कार्यक्रम, मुख्यमन्त्री महिला दलित युवा उद्यमी खाद्यान्नका लागि कार्यक्रम जस्ता थुप्रै कार्यक्रम रहेका छन् ’

मुख्य रोजगार कार्यक्रम संयोजक सर्वदल शाहीले मुख्यमन्त्री तथा मन्त्रिपरिषद्को कार्यालयबाट योजना छनोटको अन्तिम चरणमा रहेको बताए ।
रोजगार कार्यक्रमका लागि प्रत्येक वडाले आफ्नो वडामा रहेका बढीमा ५ ओटा योजना स्थानीय तहलाई बुझाउनु पर्नेछ । स्थानीय तहले सबै वडाबाट आएका मध्ये पाँचओटा योजना मात्र सम्बन्धित जिल्लामा रहेका सामाजिक विकास कार्यालयमा पठाउनेछ ।

जसमा सम्बन्धित क्षेत्रका प्रदेशसभा सांसदहरुको संयोजकत्वमा बनेको योजना छनोट समितिले योजना छनोट गरेर एक स्थानीय तहका कम्तिमा ३ वटा योजना मुख्यमन्त्री तथा मन्त्रिपरिषद्को कार्यालयमा पठाउनेछ।

त्यसपछि प्रदेशमा मुख्यमन्त्रीको संयोजकत्वमा बनेको कार्यक्रम निर्देशक समितिले योजना छनोट गरेर सम्बन्धित स्थानीय तहमा बजेटसहित पढाउने बताइएको छ।

मुख्यमन्त्री तथा मन्त्रिपरिषदको कार्यालयले अख्तियारीको जिम्मा प्रत्येक जिल्लामा रहेका सामाजिक विकास कार्यालयलाई दिएको छ। सोही अनुसार सामाजिक विकास कार्यालयमा बजेट गईसकेको छ।

अब योजना छनोट हुने बित्तिकै सम्बन्धित वडा तहमा रकम जाने छ । ‘हाल योजना छनोटको काम तिव्र गतिमा भइरहेको छ,’ प्रवक्ता उपाध्यायले भने ‘केही ठाउँबाट योजना आउँन बाँकी छन् । ती योजनाहरू पनि एक, दुई दिनभित्र आउँछन् । त्यसपछि छनोट भएर करिब एक साता पछिबाट कार्यक्रम सुरुवातका चरणमा जानेछ।’

साथै उनले प्रत्येक वडामा रहेका बेरोजगार मानिसहरूको तथ्याङ्क संकलन, प्रत्येक स्थानीय तहका लागि रोजगार संयोजक नियुक्ति गर्ने जस्ता काम तिव्र गतिमा अघि बढिरहेको उनको भनाइ छ।

गत आव पहिलो अभ्यासले गर्दा बजेट पठाउन ढिलो भएको भन्दै यो आर्थिक वर्ष यही महिना देखि (पुस) नै बजेट कार्यन्वयन प्रक्रिया अघि बढाईएको छ।

यो पनि : मुख्यमन्त्री रोजगार कार्यक्रम : दैलेखमा १२ ओटा योजनाका लागि रू. ६ करोड ९१ लाख

कुन जिल्लामा कति बजेट ?

[pdf-embedder url=”https://dullukhabar.com/wp-content/uploads/2020/12/PDF-FAIl.pdf” title=”PDF FAIl”]

 

 

* प्रकाशित समाचारको शिर्षकमा जिल्ला हुनुपर्नेमा अन्यथा भएकोमा सच्याईएको छ । सम्पादक