सुर्खेत । क्रिसमस पर्वले राष्ट्रिय एकता र धार्मिक सहिष्णुता कायम गर्न सहयोग गर्ने कर्णाली प्रदेशका प्रदेश प्रमुख गोविन्द्रप्रसाद कलौनीले विश्वास व्यक्त गरेका छन् ।
इसाई धर्मावम्बीको क्रिसमसले सबै नेपाली बिच प्रेम, एकता र बन्धुत्वको भावना अभिवृद्धि गर्दै ‘‘समृद्ध नेपाल सुखी नेपाली’’ को राष्ट्रिय आकाँक्षालाई पुरा गर्ने विश्वास कलौनीले गरेका छन् ।
इसाई धर्मावलम्बीको महान् पर्व ‘क्रिसम डे, २०७७’ को अवसरमा शुभकामना सन्देश दिँदै प्रदेश प्रमुख कलौनीले शान्त, सुन्दर एवम समुन्नत नेपाल निर्माण गर्न सबैमा प्रेरणा मिलोस् भन्ने कामना पनि गरेका छन् ।
‘बहुजाती, बहुभाषिक, बहुधार्मिक, र बहुसाँस्कृतिक विशेषता भएको हाम्रो मुलुकमा चाडपर्वहरुको अत्यन्तै ठुलो महत्व छ,’ उनले भनेका छन् ।
साथै उनले सबै प्रकारका चाडपर्वहरुले फरक–फरक साँस्कृतिक पहिचान बोेकेका समुदायबिच आपसी सद्धाव अभिवृद्धि गर्न महत्वपुर्ण भुमिका खेल्ने अपेक्षा पनि गरेका छन् ।
कलौनीले स्वदेश तथा विदेशमा रहेका सम्पूर्ण इसाई धर्मावलम्बी नेपालीमा सु–स्वास्थ्य, सुख, शान्ति, समृद्धि तथा उत्तरोत्तर प्रगतिको शुभकामना व्यक्त गरेका छन् ।
आगामी दिनमा हुने नेपालको विकास र समृद्धिमा सबै नेपालीले आ-आफ्नो स्थानबाट सक्दो योगदान गर्नसकेमा नेपालको चौतर्फ प्रगति छिटो हुने उनको विश्वास छ ।
शुक्रबार भब्यताका साथ इसाई धर्मका अनुयाईहरू सौहार्दता तथा खुसियालीको चाड क्रिसमस मनाउँदैछन् ।
संभवतः संसारभरि धेरै देशहरुमा एकैदिन अर्थात आजैको दिन चारैतिर सार्वजनिक विदा हुनेगर्दछ ।
विदेश तिर धेरैजसो ठाँउमा जाडोको सिरेटोले आफ्नो गति बढाइसकेको हुनुपर्छ ।
हिउँद, हिउँ अनि चिसो सिरेटोबिचको यो पर्व क्रिसमसका धेरै पाटाहरु हिउँसंग जोडिएका छन् ।
