सुर्खेत । नेपाल उद्योग वाणिज्य महासंघ कर्णाली प्रदेशको अध्यक्ष पदमा पदमबहादुर शाहीले आफ्नो उमेद्वारी घोषणा गरेका छन् । एक औपचारिक कार्यक्रमको आयोजना गरि उनले आफ्नो उमेद्वारी घोषणा गरेका हुन् ।
संस्थाको हक हितको लागि निजी क्षेत्रमा आफूले केही कार्यहरु गरेको र बाँकी अधुरा कार्यहरु गर्नका लागि आफूले अध्यक्ष पदमा उमेद्वारी दिएको शाहीको भनाई छ । कर्णाली समृद्धिको आधार, राज्य निजी क्षेत्र साझेदार भन्ने नाराका साथ कर्णालीको उद्योग वाणिज्य महासंघ मार्फत आफूले गर्नु पर्ने कुनै काम गर्न बाँकी नराख्ने उनको भनाई थियो ।
उद्योग वाणिज्य महासंघ कर्णाली प्रदेशको निर्वाचन यही ११ गते हुँदैछ ।
