सुर्खेत । सुर्खेत उपत्यकाको सडक सुरक्षा गतिलो छैन् । जता–ततै धुलो धुवाँ, अव्यवस्थीत पार्कीङ्, जेब्रा क्रसिङ्को व्यवस्थान हुन सकिरहेको छैन् ।
सुर्खेत उपत्यकामा दैनिक करिब २५ हजार सवारी साधनहरु ओहोर–दोहोर गर्ने गरेको ट्राफिकले जनाएको छ । दिनानुदिन बढ्दै गएको जनसंख्या, सवारी चाप, सीमित तथा साँघुरा सडक, सवारी नियम उल्लङ्घनजस्ता प्रवृत्तिले उपत्यकाको ट्राफिक व्यवस्थापन कार्य कमजोर छ । जसका कारण सडक दुर्घटनाको जोखिम उत्तिकै छ ।
तर, जिल्ला ट्राफिक कार्यालय सुर्खेतले पछिल्लो समय ‘सवारी व्यवस्थापन तथा दुर्घटना न्युनिकरणको लागि’ कडा एक्सन लिएको छ । यस्तै विभिन्न सचेतनामुलक अभियान समेत चलाईरहेको छ ।
सुर्खेत उपत्यकाको सडक व्यवस्थापन कमजोर भएको भन्दै आलोचना खेपिरहेको ट्राफिकले नियमन कार्यलाई मज्बुत बनाउन थालेको छ।
— आर्थिक प्रलोभनमा पार्न खोज्ने ६ जना सवारी चालकलाई पक्राउ
ट्राफिक प्रहरीलाई एउटा आरोप लाग्ने गरेको छ । त्यो हो, उनीहरुले सवारी चालकहरुबाट घुस लिने, चेकजाँच नगरेर गाडी पास गर्दिने । तर, सुर्खेत ट्राफिक प्रहरीले घुस दिन खोज्ने ६ जना सवारी चालकलाई नियन्त्रणमा लियो । मंगलबार मात्र उनीहरुलाई भेरिगंगा –१३ भेरिपुल सडक–खण्डबाट प्रक्राउ गरिएको ट्राफिकले बतायो ।
ट्राफिक कार्यालयबाट डिउटीमा खटिएका ट्राफिक प्रहरीले चेकजाँचका क्रममा चालकहरुले घुस रकम दिन खोजेपछि पक्राउ गरिएको हो ।
सुर्खेत कार्यालयका प्रहरी निरीक्षक उपेन्द्र प्रसाद आचार्यका कमाण्डमा खटिएको टोलिले उनीहरुलार्य पक्राउ गरी कानुनी कारबाहीका लागि जिल्ला प्रहरी कार्यालय सुर्खेतमा बुझाईएको ट्राफिक कार्यालयले बुधबार जानकारी गराएको छ ।
पक्राउ पर्नेमा ना ४ ख २८२४ नम्बरका ट्रक चालक धनगढी उपमहानगरपालिका–४ कैलालीका २८ वर्षीय विवेक सिंह, ना ५ ख ९६२४ नम्बरका ट्रक चालक सितगंगा नगरपालिका–९ अर्घाखाँचीका २७ वर्षीय कमल पुन, ना ७ ख ७०२४ नम्बरका ट्रक चालक भरतपुर महानगरपालिका–९ चितवनका ४७ वर्षीय कृष्णबहादुर नेपाली र भे १ ख ३२०८ नम्बरका ट्रक चालक वीरेन्द्रनगर नगरपालिका–१२ सुर्खेतका २४ वर्षीय कमल रजा छन् ।
यस्तै, बा ३ ख ६२१२ नम्बरका बस सह–चालक कोहलपुर नगरपालिका– १ बाँकेका २४ वर्षीय सुनिल विश्वकर्मा र भे १ ज ६५५ नम्बरका विङ्गरका सह–चालक राप्ती सुनारी गाउँपालिका–२ बाँकेका २१ वर्षीय प्रमोद विक छन् ।
प्रहरीका अनुसार उनीहरुलाई प्रहरी हिरासतमा राखिएको छ । अभद्र व्यवहार अन्तरगत मुद्दा चलाउन मिल्ने प्रहरीले जनाएको छ ।
—ठुलो साउण्ड निकाल्ने ३ दर्जन मोटरसाईकललाई कारवाही
ट्राफिक प्रहरी कार्यालय सुर्खेतका प्रमुख उपेन्द्रप्रसाद आचार्यले सडकमा हिड्ने नागरिकहरुलाई समेत त्रसित बनाएर ठूलो आवाज निकाल्ने ३५ ओटा बुलेट मोटरसाईकलका साइलेन्सर निकालेको बताए ।
ट्राफिकले ३ दर्जन बराबर बुलेट मोटरसाईकलका साइलेन्सर तानेको छ । सवारी ब्यवस्थापन तथा ध्वनी प्रदुषण न्युनिकरण गर्ने उदेश्यले प्रहरीले ठुलो साउण्ड निकाल्ने बुलेट मोटरसाईकलका साइलेन्सर तानेको हो ।
— आर्थिक प्रलोभनमा पार्न खोज्ने ६ जना सवारी चालकलाई पक्राउ
—ठुलो साउण्ड निकाल्ने ३ दर्जन मोटरसाईकललाई कारवाही
— आफुखुसी सिट जडान गरेका ४१ थान सिट नियन्त्रण
— चालक तथा सडक यात्रु सँग १ मिनेट
सवारी व्यवस्थापन तथा ध्वनी प्रदुषण न्युनिकरणको लागि मंसिर १५ गतेदेखि सञ्चालन गरेको “ध्वनी प्रदुषण नियन्त्रणको १ महिने अभियान” कार्यक्रम अन्तर्गते वीरेन्द्रनगर बजार क्षेत्रमा साईलेन्सर मोडिफाई गरी ठुलो र अस्वभाविक आवाज निकाली ध्वनी प्रदुषर्ण गर्ने ३५ वटा बुलेट मोटरसाईलहरुलाई नियन्त्रणमा लिई कारवाही गरी उक्त साईलेन्सर बरामद गरी कार्यालयमा राखिएको उनले बताए ।
— आफुखुसी सिट जडान गरेका ४१ थान सिट नियन्त्रण
सवारी व्यवस्थापन तथा दुर्घटना न्युनिकरणको लागि मंगलरबार सुर्खेत नेपालगञ्ज सडक–खण्डमा सञ्चालन हुने भाडाका सवारी साधनहरुले यातायात व्यवस्था कार्यालयबाट निर्धारण गरिएको सिट क्षमता भन्दा आफुखुसी थप सिट जडान गर्ने, मुडा राखि सिट क्षमता भन्दा वढी यात्रु राख्ने ग्याप सिट जडान गर्ने जस्ता सवारी साधनबाट (४१ थान) बिभिन्न सिट नियन्त्रण लिई आवश्यक कारवाही तथा सम्झाई बुझाई गरेको छ ।
— चालक तथा सडक यात्रु सँग १ मिनेट
दुर्घटना न्युनिकरणका लागि “चालक संग १ मिनेट” कार्यक्रम संगै “यात्रीसंग १ मिनेट” कार्यक्रम पनि ट्राफिकले गरिरहेको छ।
पैदल यात्री तथा सवारी चालकहरुलाई सवारी साधन चलाउदा अपनाउनु पर्ने नियम तथा पैदल यात्रीले सडक प्रयोग गर्ने तरिका सम्बन्धी सचेतना मुलक सन्देश दिने उक्त अभियानको उद्देश्य भएको बताईएको छ ।
आफुखुसी स्वरुप परिवर्तन गरी तपाईहरुको टोल, समाजमा ध्वनी प्रदुषण गरी असर पु¥याउनु सवारी ऐन नियम विपरित कार्य हो ।
यदी त्यस्ता किसिमका सवारी साधनहरु तपाईहरुले देखेको खण्डमा सवारी साधनको नम्बर एस कार्यालयको (ट्राफिक कार्यालय) ९८५८०७६४९६ र ०८३५२५४९६ मा सम्पर्क गरी सहयोग गर्न पनि अनुरोध गरेको छ ।
सबै तस्वीरहरु जिल्ला ट्राफिक कार्यालयको फेसबुक पेजबाट
