ओलीलाई साधारण सदस्यबाटै हटाउन सिफारिस

काठमाडौं : नेकपाले पार्टीको निर्देशनलाई लत्याउने प्रधानमन्त्रीसमेत रहेका अध्यक्ष केपी शर्मा ओलीलाई साधारण सदस्यसमेत नरहने गरी कारवाही गर्ने निर्णय गरेको छ ।

आइतबार साँझ बालुवाटारमा बसेको स्थायी कमिटी बैठकले ओलीलाई अनुशासनको कारबाही गर्ने निर्णय गरेको सार्वजनिक भए पनि भित्रि रुपमा भने उनलाई साधारण सदस्यसमेत रहन अयोग्य ठहर गर्दै केन्द्रीय कमिटीमा प्रस्ताव लैजाने निर्णय गरेको एक नेताले इकागजलाई जानकारी दिए । ‘हामी ओलीलाई अध्यक्ष मात्रै होइन, साधारण सदस्यसमेत नरहने गरी कारबाही गर्दैछौं,’ ति नेताले भने ‘उहाँले के गर्नुहुन्छ थाहा छै । उहाँ पहिला नै पार्टी दर्ता गरेर तयारी हालतमा बस्‍नु भएको होला’

अन्तरिम विधान २०७५ को धारा ५६ को विभिन्‍न प्रावधानविरुध्द भएकाले कारवाहीका लागि केन्द्रीय कमिटीमा लैजाने निर्णय गरेको प्रवक्ता श्रेष्ठले बताए । नेकपाले केन्द्रीय कमिटीको बैठक पुस ७ गते काठमाडौंमा बोलाएको छ ।

‘प्रतिनिधि सभा विघटन गर्ने कदम स्वीकार्य हुँदैन’ नेकपाका प्रवक्ता नारायणकाजी श्रेष्ठले भने ‘यसबारे हामी कानुनी उपचार खोज्‍ने छौं ।’ ओलीले पार्टी एकतालाई कमजोर पारेको श्रेष्ठले बताए । त्यस्तै नेकपाको बैठकले ‘संसद्‍भित्र र बाहिरका दलहरु, नागरिक समाजलाई असंवैधानिक कदमविरुध्‍द लाग्‍न अपिल गरेको छ । ओलीले संसद अधिवेशन बोलाउनुपर्ने बेलामा संसद् विघटन गरेर देशको भविष्य अन्धकारतिर धकेलेको स्थायी कमिटी बैठकको निर्णय छ ।

0 Comments

*Enter your name

*Email not valid.

*2 characters minimum.

Do not change these fields following