मध्यपश्चिमाञ्चल विश्वविद्यालयमा अब ८ ओटा संकायको पठन–पाठन हुने

सुर्खेत । मध्यपश्चिमाञ्चल विश्वविद्यालयले शिक्षण अस्पताल सञ्चालन गर्ने भएको छ ।
शिक्षण अस्पताल सञ्चालनसँगै थप चार वटा संकाय थप गगरिने भएको हो ।
मंगलबार प्रधानमन्त्री निवास बालुवाटरमा बसेको विश्वविद्यालयको दशौं सभा (सिनेट)ले उक्त, निर्णय गरेको हो ।
यस्तै स्वास्थ्य विज्ञान संकाय, कृषि तथा वन विज्ञान संकाय, अनुसन्धान विकास केन्द्र र कर्णाली आदिवासी ज्ञान सीप तथा प्रविधि शिक्षालय थपिएका छन् ।
विश्वविद्यालयमा अव ८ ओटा संकायको पठन–पाठन हुनेभएको छ।
हाल विश्वविद्यालयमा मानविकी तथा समाजिकशास्त्र, शिक्षा, व्यवस्थापन र विज्ञान तथा प्रविधि र इन्जिनियरिङ संकायको पठनपाठन हुँदै आएको छ ।
विश्व विद्यालयका उपकुलपति नन्दबहादुर सिंहका अनुसार थप भएका चारवटै संकायमा नयाँ शैक्षिक सत्रदेखि पठनपाठन गरिने छ।
जसमध्ये स्वास्थ्य विज्ञान संकायतर्फ नयाँ शैक्षिक सत्रदेखि वीपीएच, बीएससी नर्सिङ र बीए नर्सिङ र कृषि तथा बन विज्ञान संकायतर्फ वीएससी एजीको पठनपाठन गरिने छ।
पहिलो वर्ष स्नातक तहमा चार वर्षे कार्यक्रम अन्तरगत वीएससी एजी, वीपीएच, वीएससी नर्सिङ र वीए नर्सिङको पढाइ हुने छ ।
शिक्षण अस्पताल सञ्चालनका लागि विश्वविद्यालयले आगामी दुई वर्षभित्र स्नातकोत्तर तहमा एमवीवीएस समेत सुरु गर्ने उपकुलपति सिंहले बताए ।
संकाय थप भएसँगै विश्वविद्यालयले १ सय ७१ जना नयाँ दरबन्दी पनि स्वीकृत गरेको छ ।
थपिएका विषयमा ९४ जना र यसअघि विभिन्न संकायमा ७७ जना गरी कुल १७१ जनाको नयाँ दरबन्दी स्वीकृत गरिएको उपकुलपति सिंहले बताए ।
यसअघि विश्वविद्यालयमा ३ सय १९ जनाको दरबन्दी स्वीकृत थियो । दरबन्दी कम हुँदा स्वीकृति गरेर विश्वविद्यालयको कार्यकारी समितिले ७७ जनालाई आन्तरिक स्रोतबाट सेवा सुविधा दिने गरी दरबन्दी सिर्जना गरेको थियो ।

0 Comments

*Enter your name

*Email not valid.

*2 characters minimum.

Do not change these fields following