आचार्य चाणक्यले आफ्नो नीति ग्रन्थमा मानिसको जीवनलाई सरल र सफल बनाउनेसम्बन्धी धेरै कुराहरू गरेका छन् ।
चाणक्य नीतिको १४ अध्यायको १७ श्लोकका उनले बताएका छन् – बुद्धिमान व्यक्तिले आफ्नो कतिपय कुराहरू बाहिर कसैलाई बताउनु हुँदैन । ती कुराहरू सेयर गर्नाले अपमानको सामना गर्नुपर्ने हुनसक्छ ।
ब्म्ख्भ्च्त्क्ष्क्भ्ःभ्ल्त्
यससँगै खराब समयमा अन्य व्यक्तिहरूको साथ पाउन पनि मुश्किल पर्न सक्छ ।
उनले श्लोकमा लेखेका छन्
सुसिद्धमौषधं धर्मं गृहच्छिद्रं च मैथुनम् ।
कुभुक्तं कुश्रुतं चैव मतिमान्न प्रकाशयेत् ।।
अर्थात आफूले खाने औषधिका बारेमा कसैलाई भन्नु हुँदैन । आफ्नो रोग के हो भनेर अरूले थाहा पाउने हो भने त्यसको असर नकारात्मक पर्न सक्छ । शत्रु या दुश्मनले आफ्नो शारीरिक अवस्थाका बारेमा थाहा पाउन सक्छ र कुनै हानी गर्ने काम गर्न सक्छ ।
आचार्य चाणक्यले यस श्लोकमार्फत भनेका छन् – आफ्नो घरको गोप्य कुरा बाहिर कहिल्यै पनि भन्नुहुँदैन । जतिसुकै दुखमा परेपनि आफ्नो घरको समस्या आफैं समाधान गर्नुपर्छ र बाहिरी व्यक्तिको साथ लिन आवश्यक छैन ।
उनले आफ्नो परिवारका बारेमा नकारात्मक कुरा बाहिर कसैलाई पनि भन्न नहुने स्पष्ट पारेका छन् ।
चाणक्यले श्रीमान् श्रीमतीबीच हुने शारीरिक सम्बन्धका बारेमा पनि बाहिर कसैलाई भन्न नहुने विषयलाई प्रमुखताका साथ आफ्नो चाणक्य नीतिमा समेटेका छन् ।
चाणक्यले आफूसँग कति धन छ भन्ने कुरा पनि बाहिर कसैलाई भन्न नहुने चाणक्य नीतिमार्फत बताएका छन् ।
