![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
मुगु । मुगुमा आगलागी हुँदा पाँच घर जलेर नष्ट भएका छन् । जिल्लाकाे खत्याड गाउँपालिका ३ राेलमा विहिबार आगलागी भएकाे हाे । एक्कासि घरबाट सल्किएको आगोले रोल गाउँका हस्तबहादुर शाहीको ३ तले ४ कोठा भएको पक्की घर पुर्ण रुपमा जलेर नष्ट भएको छ भने त्यस्तै होमबहादुर शाहीको पनि ३ तले ४ कोठा भएको पक्की घर , डबलबहादुर शाही, टेकबहादुर शाही र सुनकौरा सिंहको घर पुर्ण रुपमा जलेर नष्ट भएको जिल्ला प्रहरी कार्यालय मुगुले जनाएको छ ।
कार्यालयका अनुसार खत्याड गाउपालिका वडा नं ३ सुनकौरा सिंहको दाहिने हात सामान्य रुपमा जलेको प्रहरी निरिक्षक नरेश विकले जानकारी दिनु भएको छ । उहाका अनुसार आगलागी के कति कारणले लागेको हो खुल्न नसकेको उनको भनाई रहेको छ । आगलागि बाट अन्दाजि २५ देखि ३० लाख सम्म क्षति भएको पनि उनले जानकारी दिए ।
उनले भने श्रीकोट प्रहरी चौकीका प्रहरी सहायक निरिक्षक विष्णु सेजुवालको नेतृत्वमा खटिएको टोलि , रोल श्रीकोट र सैन गाउँका स्थानीयको सहभागितामा आगो नियन्त्रणमा आएको बताए । आगलागीबाट धनसम्पत्ति, लत्ताकपाडा, भाँडाकुँडा, काठका खटिया दराज जलेर नष्ट भएको छ ।
