चिनले नेपाली भुमी नमिचेको प्रमाण पेस गरे पदबाट राजीनामा दिन्छु : नेता शाही

सुर्खेत । नेपाली काँग्रेसका नेता एवं कर्णाली प्रदेश सभाका बिपक्षी दलका नेता जीवन बहादुर शाहीले चिन सरकारको मुखपत्र ‘ग्लोबल टाइम्स’ले नेपाल–चिन सीमा विवादको बारेमा लगाएको आरोप अस्विकार गरेका छन् ।

उक्त, मुखपत्रले केही दिन अघि मात्र नेता शाहीलाई इंगित गर्दै उनी भारतीय र पश्चिमा सञ्चारमाध्यममा जानकारी पठाउन सक्रिय रहेको आरोप लगाएको थियो। शाहीले उक्त, आरोपको खण्डन गर्दै भने,‘यदी चिनले भुमी नमिचेको प्रमाण उपलब्ध गराए म पदबाट राजीनामा दिन्छु ।’

मुखपत्रले समाचार प्रकाशित गरे सँगै शाहीले एक विज्ञप्ती समेत निकालेर उक्त, समाचार गलत रहेको बताएका छन् । मुखपत्रमा शाहीलाई लगाएका विभिन्न आरोपलाई उनले खारेज गरेका छन् ।

नेपाली जमिन नमिचेको प्रमाण चिन सरकारले पेस गर्न चुनौति दिन्छु ,’ शाहीले भनेका छन् ।मुखपत्रले शाहीको नाम उद्धृत गर्दै उनैले नै पश्चिमा मिडियामा चीनले नेपाली भूमी मिचेको हल्ला चलाएको दाबी गरेको छ ।

ग्लोबल टाईम्सले कांग्रेसलाई भारत परस्त शक्तिका रूपमा रहेको समेत आरोप लगाएको छ ।‘अमेरिकामा पाईलटको तालिम गरेका पूर्वमन्त्री शाहीले नै हल्ला चलाएका हुन् ।

उनी नेतृत्वको टोलीले हुम्लास्थित नेपाल–चीन सीमा भ्रमण गरी फर्किएपछि त्यस्तो हल्ला सुरु भएको हो,’ पिपल्स रिभ्यु नामको नेपाली अनलाईनका प्रधान सम्पादक पुष्पराज प्रधानलाई उद्धृत गर्दै टाइम्सले लेखेको छ।

ग्लोवबल टाइम्सले नेता शाही अमेरिका र भारतका सर्मथक रहेकाले उनलाई नेपालमा पनि आलोचना गर्ने गरिएको झुटो आरोप समेत लगाएको छ ।ग्लोेबल टाईम्सले लेखेको रिपोर्ट यहाँ रातो अक्षरमा क्लिक गरेर पढ्न सकिने छ ।  ग्लोबल टाइम्स

ग्लोबल टाइम्सले योगेश्वर केटिएम म्यान नेपाल प्रहरीका पूर्व अधिकृत रहेको भन्दै उनको भनाइलाई पनि आफ्नो रिपोर्टमा समावेश गरेको छ ।

सुरक्षाकर्मी सम्मिलत नेपाली टोलीले हुम्ला पुगेर अध्ययन गर्ने क्रममा हराएका भनिएका दुई सीमा स्तम्भ फेला परिसकेको अवस्थामा शाहीको दाबी झुट थियो भन्ने प्रमाणित भइसकेको छ उसले आफ्नो रिपाोर्टमा भनेको छ ।

नेता शाहीले टेलिफोन कुराकानीमा भने,‘ यदी महिले गलत कुरा भनेको छु, हल्ला फैलाएको छु भने मद पदबाट राजीनामा दिन तयार छु । यो कुनै काँग्रेस पार्टीलाई दोष लगाउनुपर्ने कुरा छैन् । म यही क्षेत्रको निर्वाचित जनप्रतिनिधि भएकाले आफ्नो ठाउँको एथेष्ट प्रमाणहरु जुटाएको छु ।’

चिनले सीमा मिचोस वा भारतले मिचोस हामीबाट सह्य हुँदैन् । ‘आफुले त्यती धेरै प्रमाण जुटाउँदा र सरकारलाई पटक–पटक ज्ञापन पत्रमार्फत अनुरोध गर्दा पनि सरकार नबोलेकाले चिनिया मुखपत्रले हाम्रो मानमर्दन् गर्न खाजेको नेता शाहीले बताए ।’

‘ठुलो देश र उनीहरु धनी हुँदैमा र जथाभावी धम्काउँदैमा आफु आफ्नो दावी नछाड्ने शाहीले टेलिफोन कुराकानीमा भनेका छन् ।’ तर, सरकार  चुप लागेर बसेको प्रति उनले निन्दा गरे । ‘सरकारले अनुरोध गर्दा पनि हाल सम्म विज्ञ टोली हुम्ला नपठाएको बताए ।’

शाहीको टोलीले नेपाल चीन सीमा विवादका सम्बन्धमा प्रतिवेदन तयार गर्नुका साथै छानबिनका लागि प्रधानमन्त्रीलाई गत महिना ज्ञापनपत्र बुझाइसकेको छ ।

नेता शाहीले काठमाडौँ र बेईजिङ्मा बसेर हुम्लाको जग्गा मिचिएको छ की छैन् भनेर एकिन नहुने बताए । ‘राािष्ट्रयताको बारेमा बोल्न नसक्नेहरुले गर्दा हामी पछि परेका छौँ ,’ शाहीले भने ।

एक महिना देखि आफु हुम्लामै रहेको बताउँदै नेता शाहीले लिमि, लाप्चा, लोलुङ्गजोङ्को कुरामा उनीहरुले (चिनियाले) नेपालतीरको पिलरलाई मिचेर राखेको बताए ।

मुखपत्रले लगाएको आरोप प्रति शाहीले निकालेको विज्ञप्ती :

त्यसको बार भत्काउन लगाईदेउ भन्दा पनि सरकारले नसुनेजस्तो गरेको शाहीको भनाई छ । ‘आफुले हिल्साको बारेमा आफुले कुनै टिप्पोणी नगरेकाले यो विषयमा हल्ला फैलाएको भन्ने कुुरा गलत भएको पनि शाहीले जनाए ।