सुर्खेत । ‘आर्थिक संकटले निकै पीरलेकाे छ । एउटा संस्थासँग सहयाेग गुहारेकाे थिए । संस्थाले वडाकाे सिफारिस माग्याे । वडाअध्यक्षले दिएनन् ‘ दैलेखकाे आठवीस नगरपालिका ५ घर भएकी हस्तना विकले दुल्लूखबरसँग गुनासाे गर्दैै भनिन् ।
उनीसहित ७ जनाकाे परिवार छ । श्रीमान छैनन् । ६ वटा बालबच्चा उनकै भरमा बाँचिरहेका छन् । आय आर्जनकाे कुनै उपाय छैन । जसकाे कारण आर्थिक रूपले पिरलिएकाे उनले बताइन् ।
दैलेखमा संचालित गैरसरकारी संस्था सामाजिक सेवा केन्द्र (साेसेक) दैलेखले विपन्न परिवारका लागि सहयाेग गर्ने अपेक्षा सहित संस्थाका कर्मचारीसँग कुराकानी गरेपछि संस्थाले वडाकाे सिफारिस मागेकाे जानकारी दिइन् ।
संस्थाले वडाकाे सिफारिस मागेपछि वडा कार्यालय जाँदा वडाअध्यक्ष कर्णबहादुर आलेले सिफारिस दिन अस्वीकार गरेकाे उनकाे भनाइ छ ।
वडा अध्यक्ष आलेले साेसेकलाइ वडाभित्र काम गर्न नदिने निर्णय भएकाेले सिफारिस दिन नसकिएकाे बताए । ‘नगरपालिकाकाे वडा नम्बर ४ र ५ मा साेसेकलाइ काम गर्न नदिने निर्णय भएकाे छ’ उनले दुल्लुखबरसँग भने, ‘जुन संस्थालाइ वडाभित्र कुनैपनि काम गर्न नदिने निर्णय गरिएकाे छ । त्यही संस्थासँग सहयाेगका सिफारिस गर्न सकिएन ।’
विपन्न परिवारका लागि सहयाेग गर्ने सामाजिक संस्थालाइ बहिस्कार गर्ने निर्णय गरेकाे वडाअध्यक्षसँग भने वडाका विपन्न परिवारका लागि कुनै याेजना अघि सारेका छैनन् । यद्दपी वडाअध्यक्षले सामाजिक संस्थालाइ राजनीतिक रूपमा संचालन गरेकाे आराेप लगाउँदै नागरिकलाइ जुट्न लागेकाे सहयाेगमा समेत असहयाेग गरेका छन् ।
‘गरिव विपन्न परिवारका लागि वडामा कुनै याेजना छैन ।’ उनले भने, ‘गत आर्थिक वर्षमा जनता आवास कार्यक्रम अर्न्तगत घर निर्माण गर्ने याेजना थियाे । काेराेना महामारीका कारण कार्यान्वयन हुन सकेन ।’
गत आर्थिक वर्षमा १२ घरपरिवारलाइ बंगुर पालनका लागि आर्थिक सहयाेग गरिएकाे जानकारी दिए । उनका अनुसार विकले समेत बाख्रा पालनका लागि गत आर्थिक वर्षमा १० हजार रूपैयाँ बुझिलिएकी छन् ।
वडाअध्यक्ष आलेले साेसेक संस्था राजनीतिक प्रतिशाेधका आधारमा संचालन भएकाे आराेप लगाए । ‘गैरसरकारी सामाजिक संस्था पवित्र तरिकाले चल्नुपर्ने हाे ।’ उनले भने, ‘ राजनीतिक आस्थाकाे आधारमा गतिविधि गरिएकाेले उक्त संस्थालाइ बहिस्कार गर्ने निर्णय भएकाे हाे ।’
विकसहित ६ जना बालबालिकाकाे विचल्ली भएकाे खबर बाल हेल्प लाइनमार्फत आएपछि उनलाइ आय आर्जनमा सहयाेग गर्न खाेजिएकाे साेसेकका कार्यवाहक अध्यक्ष टिकादेवी जैसीले बताइन् । ‘बाल हेल्पलाइनमा आएकाे फाेनकाे आधारमा सहयाेग गर्नका लागि वडाकाे सिफारिस मागिएकाे हाे ।’ उनले भनिन्, ‘संस्थाका पूर्व पदाधिकारीसँगकाे व्यक्तिगत रिसिबीकाे कारण राजनीतिक आस्थाका आधारमा संस्था संचालन भएकाे आराेप लगाउनु राम्राे हाेइन ।’
विकका लागि वडाकाे सिफारिस प्राप्त भएमा ५० हजारदेखि एक लाख सम्मकाे आर्थिक सहयाेग गरिने उनकाे भनाइ छ ।
‘राजनीतिक आस्थाका आधारमा हामीलाइ सहयाेग गर्न नदिने हाे भने । वडा आफैले सहयाेग गर्दा पनि राम्रै हुन्छ ।’ उनले भनिन्, ‘विपन्नलाइ सहयाेग गर्दा अनावश्यक आराेप लगाइ विपन्न परिवारलाइ सहयाेग गर्न पन्छिन खाेजिएकाे हाे ।’
