![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
सुर्खेत । कोरोना भाइरस (कोभिड १९) संक्रमणबाट कर्णालीमा थप एकजनाको मृत्यु भएको छ । अर्धअचेत अवस्थामा शुक्रबार उपचारको लागि प्रदेश अस्पताल ल्याएको उनको उपचारको क्रममा मृत्यु भएको सामाजिक विकास मन्त्रालयले जनाएको छ । याेसँगै कर्णालीमा काेराेनाबाट मृत्यु हुनेकाे संख्या ९ पुगेकाे छ ।
श्वास प्रश्वासमा समाया आएपछि अस्पताल भर्ना गरिएदेखि नै उनलाई आइसीयूमा राखेर उपचार गरिएको थियो । कर्णाली प्रदेश अस्पतालका डा. केएन पौडेलका अनुसार उनलाई सास फेर्न समस्या भएपछि भेन्टीलेटरमा राखेर उपचार गरिएको थियो । उनको उपचारकै क्रममा मृत्यु भएको डा. पौडेलको भनाई छ ।
उनका अनुसार राती वृद्धालाई एक्काशी सास फेर्न गाह्रो भएपछि कोरोनाको संक्रमण भएको आशंका गरिएको थियाे ।
अस्पतालले वृद्धाको विहान स्वाब संकलन गरेर परीक्षणका लागि प्रयोगशाला पठाएको थियो । उनको रिपोर्ट नआउँदै दिउँसो मृत्यु भएको अस्पतालले जनाएको छ ।
अर्धअचेत अवस्थामा अस्पताल ल्याइएकी वृद्धामा मस्तिष्क श्राव भएको मन्त्रालयका स्वास्थ्य शिक्षा अधिकृत कंडेलले बताए । उनको शव व्यवस्थापन भने आइतबार मात्रै गरिने जनस्वास्थ्य सेवा कार्यालय सुर्खेतले जनाएको छ ।
