![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
रुकुम पश्चिम । चौरजहारी नगरपालिकामा सञ्चालित १३ मेडिकल सिल गरिएको छ । नगरपालिकामा सञ्चालित १६ मेडिकलमध्ये १३ मेडिकल बन्द गरिएको हो ।
अनुगमनको क्रममा कैफियत भेटिएपछि नगरपालिकाले मेडिकल सिल गरेको हो । ११ नम्बर वडाको लाइफ मेडिको फर्मा, ७ नम्बर वडाका ध्रुव पोलिक्लिनिक, ममता मेडिकल, वडा नम्बर २ को त्रिवेणी मेडिकल र १२ नम्बर वडाको जीवन रक्षा मेडिकल सिल गरिएको छ । ७ नम्बर वडाको संगम मेडिकल, ९ नम्बरको समीक्षा मेडिकल र ११ नम्बर वडाको देविका मेडिकल पनि सिल गरिएको नगरपालिकाले जनाएको छ । नगरपालिकाका अनुसार ४ मेडिकल नाम नै नराखी सञ्चालनमा थिए ।
स्वास्थ्य संस्था स्थापना, सञ्चालन तथा स्तरोन्नती मादण्डसम्बन्धी निर्देशिका पालना नगरिएकाले मेडिकल बन्द गरिएको निमित्त प्रमुख प्रशासकीय अधिकृत रामबहादुर केसीले बताए । उनका अनुसार नगरपालिकामा कार्यरत कर्मचारी र स्वास्थ्यकर्मीले सञ्चालन गरेका मेडिकल पनि बन्द गरिएको छ । नगरपालिकाले ३ ज्ञिदन लगाएर मेडिकल अनुगमन गरेको थियो । नगरपालिकामा रहेका १६ मेडिकलमध्ये ३ वटा मेडिकलले मात्रै मापदण्ड पूरा गरेपछि ती मेडिकल सिल गरिएको छैन ।
तोकिएको मापदण्ड पूरा गरेपछि सिल खोलेर मेडिकल सञ्चालनको अनुमति दिइने नगरप्रमुख विशाल शर्माले बताए । उनका अनुसार ६, १०, ११, १२, १३ र १४ नम्बर वडालाई पायक पर्ने गरी ५ शय्याको अस्पताल सञ्चालन गर्न तयारी थालिएको छ ।
