प्रविधिमैत्री विद्यालय बनाउन सांसदको पहल

दैलेख । सूचना प्रविधि प्रयोगशाला मैत्री सामुदायिक विद्यालय बनाउने कार्यक्रम अन्तरगत दैलेख जिल्ला निर्वाचन क्षेत्र नं. १ का ६ वटा विद्यालयमा सूचना प्रविधि प्रयोगशाला स्थापना तथा व्यवस्थापन (आइ.सी.टी.ल्याब) को लागी दैलेखका सांसद पार्वती विशुन्केको पहलमा सङ्घीय सञ्चार मन्त्रालयसँग समन्वय गरी ६ वटा विद्यालयमा सामाग्री आएको हो ।

दैलेख क्षेत्र नं १ को त्रिभुवन माध्यमिक विद्यालय नयाँ बजार दैलेख, सिता जनसहयोग माध्यमिक विद्यालय डुङ्गेश्वर गाउँपालिका, भैरव माध्यमिक विद्यालय भगवतीमाई गाउँपालिका, शान्ति माध्यमिक विद्यालय गुराँस गाउँपालिका, शिवशक्ति माध्यमिक विद्यालय नौमुले गाउँपालिका, भगवती माध्यमिक विद्यालय महाबु गाउँपालिकामा सामाग्री पुगेको जानकारी आएको छ ।

प्रत्येक विद्यालयमा २४ वटा कम्प्युटर सेट, १ थान प्रोजेक्टर, १ थान प्रिन्टर, ४ थान सिसिटिभी क्यामेरा १ थान सिसिटिभी मोनीटर, १ थान नेटवर्क भिडियो रेकडर, १ थान, स्विच ¥याक, १ थान राउटर १ थान, लगायतका आइटी सम्बन्धी आवश्यक पर्ने १५ थरिका सामाग्रीहरू पठाएको र उक्त सामग्रीहरू सबै विद्यालयमा प्राप्त भई सकेको विशुन्केले बताइन् ।

२०७५ साल पौष १ गते सङ्घीय सञ्चार मन्त्रालय र दूरसञ्चार प्राधिकरण काठमाडौँको संयुक्त लगानीमा देश भरिका सामुदायिक विद्यालयलाई प्रविधि मैत्री बनाउने र विद्यार्थीलाई प्रविधि मैत्री वातावरणमा युग अनुसारको शिक्षा दिने उद्देश्यले यो कार्यक्रम लागु गरिएको थियो । सोही अनुसार यो कार्यक्रम जिल्ला तहमा पार्नलाई प्रक्रिया पुरा गर्न झन्डै १ महिना लागेको र यी सामाग्रीहरू जिल्ला तहसम्म पुराउँदा झन्डै १९ महिना लागेको छ ।

कोरोनाले भाइरसको कारणले देश लकडाउन भएको कारण विद्यालय सम्म सामाग्री पठाउन केही समय लागेको समानुपातिक सांसद पार्वती बिशुन्केले बताइन । उनका अनुसार विश्वका अन्य देशका बालबालिका सूचना प्रविधिमा धेरै अगाडी भएको र नेपालका ग्रामीण स्तरका विद्यार्थीहरूलाई प्रविधि र पढाई सँगसँगै जोडन सकेको खण्डमा रोजगारतर्फ पनि जोडिन र बेरोजगारी समस्या न्यूनीकरण गर्न सकिने हुँदा आफ्नो विद्यालयलाई छनोट गरी सामाग्री पठाएको हुँदा । ६ वटै माध्यमिक विद्यालयका प्रधानाध्यापक धन्यवाद दिए ।

बालबालिकासँग भएको सृजनशीलतालाई उजागर गर्न, बाल मैत्री विद्यालय निर्माण गर्न, सामुदायिक विद्यालय सिकाई मैत्री छ भन्ने विश्वासको वातावरण सृजना गर्न र सरल र सहज शिक्षा हासिलमा सबैको पहुँच पु¥याउने उद्देश्यले यो कार्यक्रम आवश्यक भएको आफूले सबै पालिकालाई समेटेर विद्यालय छनोट गरेको उनले बताइन् ।

लकडाउनले सूचना प्रविधिको बारेमा राम्रो ज्ञान दिएको कारण हामीले युग अनुसार शिक्षा दिन सकेमा मात्र सामुदायिक विद्यालयको गुणस्तर बढ्ने र हाम्रो शिक्षा प्रर्णालीमा सुधार गर्नका लागि यस्ता कार्यक्रम देश भरी सञ्चालन गर्न आवश्यक रहेको सांसदको भनाइ रहेको छ ।

0 Comments

*Enter your name

*Email not valid.

*2 characters minimum.

Do not change these fields following