महाबु गाउँपालिकाको नीति तथा कार्यक्रम : पूर्वाधार विकास र स्वास्थ्यमा आधारित (पूर्णपाठ सहित)

दैलेख । दैलेखको महाबु गाउँपालिकाको आगामी आर्थिक वर्षको नीति तथा कार्यक्रम सार्वजनिक गरिएको छ । गाउँपालिकाका अध्यक्ष जंंगबहादुर शाहीद्वारा प्रस्तुत नीति तथा कार्यक्रममा पूर्वाधार विकास र कोरोना लक्षित कार्यक्रमहरु रहेका छन् ।
प्रस्तुत नीति तथा कार्यक्रममा पूर्वाधार विकासतर्फ सडक निर्माण र स्तरोन्नती कार्यलाई प्राथमिकतामा राखिएको छ । जमध्ये ताराघाट, खरिगैरा गैँडाबाज फागु गडिगाउँ भैरवि सडक र मध्य पहाडि राजमार्ग खोलिवजार बाँसी काँशिकाँध सडकलाई विशेष प्राथमिकतामा दिइएको छ भने गैडबाज, रानीवन, एकपाटे, टाकुरी, जौखोरीया, काँशिकाध सडक लगायतका अन्य सडक स्तरोन्नतीमा राखिएको छ ।
त्यस्तै पूर्वाधार विकास तर्फ प्रत्येक नागरिकको खाद्य सम्प्रभुता सहितको खाद्य अधिकारलाई मध्य नजर गर्दै कृषिमा आधुनिकिकरण, ब्यवसायीकरणका लागि उच्च कृषि प्रविधिको प्रयोग गरि उन्नत विउ, सुधार गरि पशु नश्ल सहित कृषिमा आत्म निर्भर हुनेगरि बजेट विनियोजन गरिने अध्यक्ष शाहीको भनाई छ ।
स्वच्छ खोनेपानी उपलब्ध गराउने एक घर एक धारा निर्माण गर्ने कार्यलाई प्राथमिकता दिदै खानेपानी योजनाहरु निर्माण भैरहेको भन्दै बाँकी कामलाई प्ुरागर्न संघीय सरकार, प्रदेश सरकार र हाम्रो सहकार्यमा पुरा गर्ने ब्यवस्था मिलाउने जनाईएको छ ।
महाबु गाउँपालिकाका जनता कृषिमा आधारीत भएकाले जग्गालाई सिचाई गर्ने उद्देश्यले निर्माण गर्न बाँकी रहेका सिँचाई योजनाहरुलाई संघीय सरकार, प्रदेश सरकार र हाम्रो लगानीमा पुरा गर्न ब्यवस्था मिलाउने जनाइएको छ ।
यस गाउँपालिकामा रहेको जल, जमीन, जंगल, खनिज पदार्थ, कृषि जन्य उत्पादन पशुपालन पर्यटकीय साधनर मानविय श्रोतको उचित प्रयोग गरि उद्योगको विकास वाट प्रत्येक नागरिकको जिवन पद्धतीलाई आर्थिक रुपमा सम्बृद्ध बनाउन अध्यक्ष श्रम रोजगार कार्यक्रम संचालन गर्ने बताइएको छ ।
साथै पूर्वाधार विकास तर्फ महाबु गाउँपालिकाका जनताको प्रत्येक घरमा विद्युत पु¥याउने लक्ष अनुरुप यसै आ.व.माा बत्ति वाल्ने कार्य पुरा गरिने उल्लेख छ ।
त्यस्तै प्रस्तुत नीति तथा कार्यक्रममा कोराना भाइरसबाट सर्ने कोभिड–१९ लाई पनि प्राथमिकतामा राखिएको छ । भने गाउँपालिकाको स्वास्थ्य क्षेत्रमा सुधार गर्न १५ शैया महाबु अस्पतालको निर्माण कार्य शुरु गरिने जनाइएको छ ।
अध्यक्ष शाहीद्वारा प्रस्तुत नीति तथा कार्यक्रममा यसै आर्थिक वर्षबाट वाट स्वास्थ्य सेवाको ब्यवस्था मिलाईने र बाँकी रहेका स्वास्थ्य चौकीहरु र सामुदायीक स्वास्थ्य ईकाइ भवनको क्रमीक रुपमा निर्माण कार्य सम्पन्न गर्ने उल्लेख छ । ्
विश्वमा फैलिएको कोरोना भाईरस (कोभिड–१९) जस्ता महामारिको नियन्त्रण र रोकथामको लागि सम्पुर्ण नागरिकहरुलाई सचेत गराउन खानेपानी स्वास्थ्य सरसफाई सम्बन्धी सचेतना कार्यक्रम संचालन गर्न बजेट विनियोजन गरि ३० वेडको आईसुलेशन भवन निर्माण गरिने बताइएको छ ।
त्यस्तै स्वास्थ्यतर्फ स्वास्थ्य स्वयंसेविका हरुलाई प्रोत्साहन भत्ताको लागि वजेट विनियोजन गर्नुका साथै विभिन्न स्वास्थ्य चौकी, सामुदायीक स्वास्थ्य ईकाइ, सामुदायीक विद्यालयहरुमा र गाउँपालिका कार्यालयमा करारमा कार्यरत कर्मचारीहरुलाई म्याद थप गरि निरन्तरता दिने उल्लेख छ ।

पूर्णपाठ हेर्नुहाेस् : 

[pdf-embedder url=”https://dullukhabar.com/wp-content/uploads/2020/06/mahabu-niti-karyakram.pdf” title=”mahabu niti karyakram”]

0 Comments

*Enter your name

*Email not valid.

*2 characters minimum.

Do not change these fields following