दैलेख । दैलेखका कोरोना संक्रमतिलाई ढिलो गरी आईसोलेसनमा राखिएको छ । कोरोना भाइरस संक्रमति पुष्टि भएको करिब ३८ घण्टा पनि मात्र उनलाई आईसोलेसनमा राखिएका हो ।
सोमबार विहान तीन बजे आठबीस नगरपालिका–१ का ३५ बर्षीय ती युवामा कोरोना संक्रमण भएको प्रदेश अस्पताल कालागाउँमा पीसिआर जाँच मार्फत पत्ता लागेको थियो ।
तर, कुन व्यक्तिलाई कोरोना संक्रमण भएको भन्ने एकिन गर्न नसकिएकाले उनी मंगलबार बेलुका सम्म ३९ जना सँगै क्वारेन्टाईनमा नै बसेका थिए ।
कोरोना पोजेटिभ देखिएसँगै प्रदेश अस्पतालले नेपालगञ्जमा रहेको भेरी अञ्चल अस्पतालको ल्यावमा पुनः परिक्षणका लागि नोजनल स्वाब पठाएको थियो ।
सोमबार राती स्वास्थ्य तथा जनसंख्या मनत्रालयले सवा दश बजे कोरोना पोजेटिभ भएको पुष्टि गरेको भएपनि उनलाई मंगलबार बेलुका साढे पाँच बजेतिर मात्रै दैलेख सदरमुकाम लगिएको वडा अध्यक्ष पर्वसिंह विकले जानकारी दिए ।
वडा अध्यक्ष पर्वसिंह विकले संक्रमित व्यक्ति को हुन् भन्ने बारेमा कसैलाई पनि जानकारी नदिईएकाले संक्रमित छुट्याउन ढिलो भएको उनको भनाई छ ।
मंगलबार बेलुका साढे पाँच बजे उनलाई स्वास्थ्य सेवा कार्यालयको टोलिले लियर सदरमुकाम नजिकै रहेको सरस्वती मावि तरताङ्को आईसोलेसन वार्डमा राखिएको छ ।
स्वास्थ्य सेवा कार्यालयका प्रमुख डा.निरन्जन पन्तले उनलाई आईसोलेसनमा राखिएकोर स्वास्थ्य स्वास्थ्य अबस्था सामान्य रहेको जानकरी दिए ।
उनले संक्रमित सँगै क्वारेन्टाइनमा रहेका ३९ जनाको क्वारेन्टाइनमै पुगेर पुनः ¥यापिट टेष्ट गरिने पनि बताए ।
आठबीस नगरपालिकाले कोरोना संक्रमित पुष्टि भएसँगै सम्पुर्ण वडाहरु शिल गरिएको आठबीस नगरपालिकाका उप–प्रमुख दिपा बोहोराले बताईन् ।
विषेश गरी संक्रमित व्यक्तिको वडालाई उच्च निगरानीमा राखिएको नगरपालिकाले बताएको छ ।
ठाटीकाँध गाउँपालिकाको कमजोरी पन्
आठबीस नगरपालिकाका सँग सिमाना जोडिएको ठाटीकाँध गाउँपालिकाको ठुलो कमजोरीपन देखिएको छ । छिमेकी स्थानीयतहका कोरोना संक्रमित व्यक्ति सँगै भारतबाट आएका मध्ये ८ जना ठाटीकाँध गाउँपालिका रहेका छन् ।
तर,ठाँटीकाँध गाउँपालिकाले १ दिन मात्रै क्वारेन्टाइनमा राखेर घर पठाएको थियो । जब आठबीसमा कोरोना संक्रमण पुष्टि भयो त्यसपछि मात्र उनीहरुलाई पुन क्वारेन्टाइनमा राखिएको हो ।
ठाटीकाँध गाउँपालिकाले मंगलबार विहान बैठक बसेर गाउँपालिकालाई शलि गरेको सुचना सार्वजनिक गरेको छ । तर, गाउँपालिकाको ठाटीकाँध बजारमा लकडाउनको पालन नगरिएको ठाटीकाँधका स्थानीय रणबहादुर तिरुवाले बताए बताए ।
जब समस्या देखियो त्यो बेला मात्र आत्तिने र नभय वास्तानै नगर्ने उनले भने । यस्तो कार्यले ठाटीकाँध कोरोनाको उच्च जोखिममा रहेको जनगुनासो बढेको छ ।
गाउँपालिकाले भने मंगलबार देखि मेडीकल सेवा बाहेक अन्य सम्पुर्ण व्यवसायहरु बन्द गर्ने निर्णय गरेको जनाएको छ ।
