मेरो देश भन्ने शब्द हराउँछ होला ! (गजल)

अझै मौन बसिरहेको छ मेरो सरकार के गर्नु

फेरि देशलाई बेचिरहेको छ बारम्बार के गर्नु ।

मात्र कागजमा बिज्ञप्ति निकालेर केही हुदैन

जनताले बहुत सहेका छौ अत्याचार के गर्नु ।

बिस्तारवाद मुर्दावाद भन्दैमा हिरासत लिन्छ

आफ्नो प्रयोग गर्न पाईदैन अधिकार के गर्नु ।

अव मेरो देश भन्ने शब्द सायद हराउँछ होला

तिमी कस्सिएकै छौ गर्नमा भ्रष्टाचार के गर्नु   ।

आज कालापानी लिपुलेख मिचिदा मौन छौ

आमाका आँखा रसाउदैछन् लगातार के गर्नु ।

कति सहेका छन पीडा सिमानामा बस्नेहरुले

सरकार तिमी राजधानीमा छौ सरासर के गर्नु ।।…….

रणबहादुर  वि.क दैलेख 

0 Comments

*Enter your name

*Email not valid.

*2 characters minimum.

Do not change these fields following