प्रधानमन्त्रीलाई गगनको कविता कटाक्ष, ‘म त भाग्यमानी’

काठमाडौं । प्रधानमन्त्री केपी शर्मा ओलीलाई नेपाली कांग्रेसका सांसद गगनकुमार थापाले कवितामार्फत व्यंग्य गरेका छन्।

केही समयअघि दुईवटा कविता लेखेर सार्वजनिक गरेका प्रधानमन्त्री ओलीलाई सांसद थापाले आजको प्रतिनिधिसभाको बैठकमा वाल कविता ‘म त भाग्यमानी’ लेखेका हुन्।   यस्तो छ गगनको कविता

म त भाग्यमानी  छैन

यहाँ देशको नक्सा मेटिएको

नत लिपुलेकलाई डोजरले रेटिएको

यस्तो सबल सरकार छ सिमा कस्ले मिच्ने

कोही छैनन् जोरी खोज्ने छैनन् कोही हेप्ने।

सयौँ कोस हिँड्दा पनि श्रमिक छैनन् आहात

गरिबलाई सम्मान छ सरकारबाट राहात

विदेशमा कोही पनि अलपत्र छैन

दुख पिडा सुनाउने ति नेपाली नै हैन।

जनताको बेथालाई ध्यान दिएर सुन्ने

कृषक साना व्यापारीको साह्रै मर्म बुझ्ने

भ्रष्टचारलाई नसहने सरकारको छ नीति

हावादारी हल्ला हुन ओम्नी र यती ।

सबै तिर वाहा वाहा यस्तो विकास देख्दा

  पत्रकार नि दंग छन् यी समाचार लेख्दा

  कोमल हृदयका प्रधानमन्त्री आँशु कवि हाम्रा

दिन नबिराई सृजना छ आहा कति राम्रा ।

राहात खोज्दै आउनेलाई तिनै गित दिउँला

गित कविता भट्याउँदै कालापानी जाउँला

सारा नेपाल हाँसेको छ मेचिकाली गाउँछ

आँशु आए बरु त्यही गीतले आउँछ।

यस्तो नायक गजबका ल्यायौँ जानीजानी

अहो हामी नेपाली त साह्रै भाग्यमानी

ओहो साह्रै भाग्यमानी  मत साह्रै भाग्यमानी ।।

0 Comments

*Enter your name

*Email not valid.

*2 characters minimum.

Do not change these fields following