उत्पादनमुखि कुनै पनि जमिन बाँझो नराख्न मन्त्री केसीको आग्रह !

पंखबहादुर शाही

सुर्खेत । कर्णाली प्रदेश सरकारका प्रवक्ता एवं भुमी व्यवस्थ,कृषि तथा सहकारी मन्त्री विमला केसीले उत्पादनमुखी कुनै पनि जमिन बाँझो नराख्न कृषकहरुलाई आग्रह गरेकी छन् ।

सोमबार कर्णाली प्रदेश सरकारले चालु आर्थिक वर्षमा अघि बढाइएका कृषि पकेट क्षेत्रहरुको अनुगमन तथा अत्यावश्यक कृषि सामग्रीहरु हस्तान्तरण गर्दै मन्त्री केसीले यस्तो बताएकी हुन् ।

कर्णालीका रोग भन्दा छिटो भोकमरी आउने देखिन्छ,’मन्त्री केसीले भनिन्,‘त्यसैले कृषकहरुले कुन् जमिनमा कस्तो बाली उत्पादन हुन्छ त्यही बाली लगाउन् आग्रह गरेकी हुन् । त्यसका लागि प्रदेश सरकारबाट हुने सहयोग हामी  गर्न तयार छाैं ।’

उत्पादन वृद्धि गर्न सहयोग पुगोस् भन्ने उद्देश्यले भूमी व्यवस्था, कृषि तथा सहकारी मन्त्रालयअन्तर्गत कृषि विकास निर्देशनालय मार्फत् अनुदानमा कृषि सामग्री वितरण गर्न थालिएको हो ।

केसीले सामाजिक दुरी कायम गर्दै कृषकहरुलाई कृषिका काम समेत गर्न सुझाएकी छन्। बरु,घरपरिवारका सदस्यले मात्र आफ्नो बारीमा काम गर्नुहोस । जस्तोसूकै अवस्थामा पनि कृषिका कामलाई निरन्तरता दिनुपर्ने मन्त्री केसीको भनाई छ ।

कृषि पेशालाई आधुनिकीकरण र यान्त्रिकीकरणमा विकास गरी  उत्पादनलाई वृद्धि गर्नुपर्नेमा मन्त्री केसीको जोड छ ।

कृषि विकास निर्देशनालयका निर्देशक चित्रबहादुर रोकायाले यो बर्ष अघि बढाईएका कार्यक्रम प्रभावकारी भएको बताए । यद्यपी लकडाउनले केही समस्या थपिएको छ ,’उनले भने,‘कृषकले उत्पादन गरेको कृषि बस्तु खेर फाल्नुपर्ने अबस्था नआवस भन्नका लागि हामीले सहजिकरण गरिरहका छौँ ।’

यस्तै कृषि विकास निर्देशनालयका बाली विकास अधिकृत एम बहादुर रानाले कुनै पनि कृषकले उत्पादन गरेको कृषि बस्तु खेर जाने सम्भावना भएको जानकारी आएपछि सोही ठाउँमा नै गयर बजारीकरणको प्रबन्ध मिलाईएको बताए ।

निर्देशनालयका अनुसार सुर्खेतको भेरीगंगा नगरपालिका–४, हर्रेमा रहेका दुईओटा तरकारी पकेट, गुर्भाकोट नगरपालिका–७ पवित्र जनकल्याण सहकारी संस्थामा २९, वडा नं.९ चिसापानीस्थित माझखण्ड तरकारी पकेट, वडा नं ५ थग्लेनीस्थित प्रगतिशील तरकारी पकेट समितिलाई हाते ट्र्याक्टर, प्लाष्टिक टनेल, स्प्रे, हजारी, पाइप, पानी ट्यांकी, बीउबिजन सहयोग गरिएको छ ।

केती तस्वीरहरु :

                                                                                                                              तस्वीर  : पंखबहादुर शाही