दैलेख (महाबु) ।
जिल्लाको महाबु गाउँपालिकाले अति विपन्न करिव १४ सय घरपरिवारलाई राहत सामग्री वितरण गरेको छ । नोवेल कोरोना भाइरस (कोभिड १९)को कारण भएको लगडाउनको समयमा भएको खाद्यन्न अभावलाई मध्यनजर गर्दै गाउँपालिकाका अति विपन्न, गरिव परिवारको पहिचान गरि १३८९ घरधुरीलाई राहत सामाग्री वितरण गरिएको गाउँपालिकाका अध्यक्ष जंगबहादुर शाहीले जानकारी दिए ।
राहत सामाग्री अन्र्तगत प्रति घरधुरी १ बोरा (२५ किलो) चामल, १ किलो दाल, १ लिटर तेल र १ किलो नुन वितरण गरिएको अध्यक्ष शाहीले बताए ।
गाउँपालिकाको वडा नम्वर १ खरिगैरामा ६९५ घरधुरी, वडा नम्वर २ मा २०० र वडा नम्वर ३ मा १०० घरधुरीलाई सम्बन्धित वडा कार्यालय मार्फत राहत वितरण गरिएको प्रमुख प्रशासकीय अधिकृत भक्त मल्लले जानकारी दिए । उनका अनुसार वडा नम्वर ४ मा १०० घरधुरी, वडा नम्वर ५ मा, १२१ र वडा नम्वर ६ मा १४७ घरधुरीलाई राहत सामाग्री वितरण गरिएको हो ।
त्यसैगरी, सामाजिक सेवा केन्द्र सोसेक दैलेख मार्फत गाउँपालिकाका वडा नम्वर ३, ४ र ६ मा १५ र वडा नम्वर ५ मा ११ घरधुरीलाई राहत वितरण गरिएको अधिकृत मल्लले जानकारी दिए ।
