![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
दैलेख । दैलेखको दुल्लु नगरपालिकाले कालोबजारी रोक्नका लागि सोमबार देखि बजार अनुगमन शुरु गरेको छ ।
लकडाउनको समयमा व्यापारीले दैनिक उपभोग्य सामानमा मुल्य वृद्वि गरी जनतालाई महङ्गो मुल्यमा बेच्न नपाउन् र गोदाममा सामान राखेर जनतालाई उपलब्ध नगराउने कुरालाई रोक्नका बजार अनुगमन गरिएको नगरपालिकाले जनाएको छ ।
अनुगमनका लागि नगरपालिकाले २ वटा समिति गठन गरेको छ,’नगरप्रमुख घनश्याम भण्डारीले भने,‘ समितिले पसलमा उपलब्ध सामानको अबस्था र मूल्य सुचिका वारेमा अनुगमन गर्ने छ ।
नगरपालिकाका अधिकृत शमशेर शाही र कृष्णा न्यौपानेको संयोजकत्वमा कृषि र पशु विकास शाखाका कर्मचारी र ईलाका प्रहरी कार्यालय दुल्लूका प्रहरी रहने गरी २ वटा समिति गठन गरी सोमबारबाट बजार अनुगमनलाई तिव्र पारिएको भण्डारीले जानकरी दिए ।
समितिले सोमबार मात्रै नगरपालिकाको वडा नं.– १,२,४,१३ र १२ को बजार क्षेत्र अनुगमन गरेको छ ।
