दुल्लु नगरपालिकाले १ हजार विपन्न परिवारलाई राहत वितरण गर्दै !

पंखबहादुर शाही 

दैलेख । दैलेखको दुल्लु नगरपालिकाले नगरभित्रका एक हजार आर्थिक अबस्था कमजोर भएका विपन्न परिवारहरुलाई राहत वितरण शुरु गरेको छ ।

दैनिक ज्याला मजदुरी गरिखाने विपन्न परिवारहरुलाई नगरपालिकाले आईतबार देखि राहत वितरण शुरु गरेको हो ।

आईतबार नगरपालिकाले वडा नं.–७ का ४५ परिवारलाई २५ केजी चामल २ केजी दाल १ केजी नुन १ केजी चिनी २ सय ग्राम चियापत्ती १ पोका तेल वितरण गरेको छ ।

वडा –७ का अध्यक्ष लालबहादुर रावतले उनीहरुमा राहतले केही खुःसी थपेको बताए ।

स्थानीय भक्तबहादुर नेपालीलाई लकडाउनका कारण निकै समस्या भएको थियो । राहत पाईन्छ भनेको सोचेको थिएन् उनले भने,’ महामारीबाट बच्नका लागि लकडाउन गरिए पनि हामीलाई खानको चिन्ता निकै बढेको थियो । तर, खाद्यान्न पाउँदा निकै खु :सी छु ,उनले भने ।

दुल्लु नगरपालिकाका नगर–प्रमुख घनश्याम भण्डारीले लकडाउनका कारण कुनै पनि नागरिकलाई भोकै मर्न नदिने दावी गरे । ‘सबैको सहयोगमा सबै नागरिक लाई हामी राहत वितरण गछौँ ,’उनले भने ।

त्यसका लागि नगरपालिकाले विपत व्यवस्थापन कोषको स्थापना गरेको छ । कोषमा सबैको सहयोगले रकम जम्मा गरिने छ ।
भण्डारीले भने यस अघिनै वडाका जनप्रतिनिधिहरुले दैनिक मजदुरीमा काम गर्ने मानिसको घरधुरी तयार पारेका थिए ।

यो पहिलो चरणको कार्यक्रम हो क्रमश अरु वडाहरुमा पनि राहत वितरण गरिने नगरपालिकाले जनाएको छ ।