भारतबाट दैलेखको एउटै पालिकामा ४ सय भन्दा धेरै भित्रिय, दुई जना ‘क्वारेन्टाईनमा’

पंखबहादुर शाही 

दैलेख ।  विश्वव्यापी रुपमा फैलिएको (कोभिड–१९) कोरोना भाईरसले अहिले गाउँमा निकै भिडभाड छ ।
११ ओटा स्थानीयतह रहेको दैलेखको आठबीस नगरपालिकामा मात्र ४ सय ५ जना भारतबाट गाउँ भित्रिएको पाईएको छ । यस्तै दुई जनालाई ‘कारेन्टाईन’ मा राखिएको छ ।
सुदुरपश्चिम प्रदेशसँग सिमाना जोडिएको यो पालिकाका प्राय नागरिक रोजगारीको सिलसिलामा भारत लगाएतका अन्य मुलुकमा जाने गर्दछन् । जताततै कोरोनाले सन्त्रास फैलिएपछि उनीहरु घरमा फर्किएका हुन् ।
भारतबाट ठूलो संख्यामा युवाहरु गाउँमा आएको खबर पाएपछि बिहीबारदेखि नगरपालिकाले प्रत्येक वडाका जनप्रतिनिधिलाई आकस्मिक रुपमा खटाएर सुक्रबार (आज) लगत संकलन कार्य सम्पन्न गरेको छ ।
लगत संकलनका क्रममा एउटै वडामा ५०–१०० जना युवाहरु भारतबाट घरमा आएको पाईएको छ । जसमा सबै भन्दा धेरै वडा नं.–१ मा भेटिएका छन् ।
वडा नं–१ मा १५० २ मा ८०, ३ मा २०, ४ मा ५०, ५ मा ३५,६ मा १५, ७ मा २०, ८ मा २०,र ९ मा १५गरी कुल ४०५ जना घरमा आईपुगेका छन् ।
यी मध्ये दुई जना युवामा ज्वरो आउने, खोकी लाग्ने लगायतका लक्षण देखा परेपछि उनीहरूलाई बिहीबार (हिजो) नै राकम कर्णालीमा रहेको ‘क्वारेन्टाईनमा’ राखेर उपचार भईरहेको स्वास्थ्य शाखा प्रमुख देवराज तिमिल्सेनाले जानकारी दिए ।

‘क्वारेन्टाईनमा’ उपचाररथ ती दुईजना युवालाई कर्णाली प्रदेश राजधानीबाट आएको टोलिले प्रारम्भिक परिक्षण गरेर टोलि सुक्रबार (आजै) सुर्खेत फर्किएको उनले बताए ।

‘कोरोना हो या होईन उनीहरुको आवाश्यक पर्ने रगत लगाएत टेष्ट पछि पुष्टि हुने उनीहरूको उपचारमा संलग्न कर्णाली विज्ञान प्रतिष्ठानका डा.सुबेद चौधरीले बताए ।’
दुई जना बिरामी परेका र सयौँको संख्यामा भारतबाट युवाहरु गाउँ भित्रिएपछि नगरबासीमा सन्त्रास नफैलियोस् भनेर आफूहरुले उच्च सतर्कता अपनाईएको छ,’ तिमिल्सेनाले भने् ।

प्रत्येक वडामा सम्बन्धीत वडा अध्यक्षहरुलाई घरघरमा गयर साबुन र माक्स, वितरण गरिएको छ । यस्तै प्रत्येक टोल–टोलमा गयर घरबाट कोही बाहिर ननिस्कन, साबुन पानीले बारम्बार हात धुन ,वितरण गरिएको मास्क अनिवार्य प्रयोग गर्न नगरपालिकाले ‘माईकिङ्’ गरिरहेको नगरपालिकाले बताएको छ ।

बिना कारण कोही जम्मा नभइदिनहुन र कोही लाई ज्वरो आउने खोकी लाग्ने लगायतका लक्षण देखा परेपछि नजिकको स्वास्थ्य संस्थामा गयर स्वास्थ्य परीक्षण गर्न भनी संदेश दिँदै ‘माइकिङ्’ गर्ने गरिएको नगर–प्रमुख खड्गराज उपाध्यायले जानकारी दिए ।

यस्तै आठबीस नगरपालिकामा २ का वडा अध्यक्ष पर्णबहादुर खनाले वडाकाे अार्थिक सहयाेगका सबै वडाका माइकिङ् र साबुनऽ मास्क वितरण गरिएकाे जानकारी  दिए ।

‘महामारीले प्रकोप नलियोस् भनेर जोखिम न्यूनिकरणका लागि वडा नं.–४ मा रहेको राकम कर्णालीमा १५बेडको ‘क्वारेन्टाइन, वाड नं.–२ मा २० बेड, ४ मा ६ बेड र, ५ मा ५ बेडको ‘क्वारेन्टाइन’ तयार गरिसकेको र बाँकी वडाहरुमा पनि स्थापना गर्ने काम तिव्र गतिमा भईरहेको उपाध्यायले बताए ।’

”करिब ३२ हजार जनसंख्या रहेको नगरपालिकमा ६ हजार घरधुरी परिवार बसोबास गर्दछन् उनले भने, ति सबैका घरमा साबुन र माक्स अनिवार्य वितरण गरिने छ ।”
यस्तै अरु स्थानीयतहले पनि लगत संकलन कार्य गरिरहेको हुँदा सबै विवरण आउन बाँकी रहेको दैलेखका प्रमुख जिल्ला अधिकारी युवराज कट्टेलले जानकारी दिए ।
‘छिटो भन्दा छिटो लगत संकलन गरी विवरण पठाउन अनुरोध गरेको छौँ ,’ कट्टेलले भने् ।