कोरोना भाईरस : कैदी बन्दीको नासो ‘मास्क’ प्रशासनलाई हस्तान्तरण

पंखबहादुर शाही
दैलेख । देशभरका कैदी वन्दीलाई सरकारी एवं गैरसरकारी संघ संस्थाहरुले कोरोना संक्रमणबाट बच्न मास्क वितरण गरिएका बेला भने दैलेखको कारागारमा जेलजीवन विताईरहेका कैदी बन्दीले मास्क उत्पादन गरेर जिल्ला प्रशासन कार्यालयलाई हस्तान्तरण गरेका छन् ।

जिल्ला सदरमुकाममा मास्कको अभाव भईरहेको बेला कैदी वन्दीले मास्क बनाएर १ सय थान जिल्ला प्रशासनलाई कारागारका जेलर जीतबहादुर खत्री मार्फत हस्तान्तरण गरेका हुन् ।

कारागारमा कैदीलाई कोरोना भाईरस विरुद्धको जनचेतना कार्यक्रम गरिएको खत्रीले बताए । उनले भने– ‘हामीले पुर्व सावधानी अपनाएका छौं ।’

”कैदीलाई समुहमा एकै ठाउँमा भेला नहुन र सावुन पानी राम्रो सँग हात धोएर खाना खान,अंगमाल नगर्ने,हात नमिलाउन सिकाएका छौं ।”

’तत्कालका लागि संक्रमण फैलिने डरले कैदीवन्दीसँग आफन्तको भेटघाट गर्न बन्देज गरिएको छ, भने ‘कानुनी सहायताको लागि खुल्ला गरिएको छ ।’

कोरोना जसरी मान्छेको अकालमै मृत्यु हुने गरेको छ गैरकैदी बन्दीले पनि सरकारले ल्याएका नियम नितिलाई पालना गर्न सुझाव कैदी बन्दी छ ।

‘हामी त सरकारले ल्याएका नियमलाई पालना गछौं तपाईहरुले पनि पालना गर्नुहोला ।’ कैदी बन्दीले उत्पादन गरेका मास्क स्वास्थ्यकर्मी, सुरक्षाकर्मीलाई दिइने कारगारका जेलर जीतबहादुर खत्रीले जानकारी दिए ।

‘कोरोना भाईरसको विरुद्ध अनलाईनमा काम गरिरहेका सुरक्षाकर्मी,स्वास्थ्यकर्मीलाई मास्क दिन्छौं, उनले भने् । जसले गर्दा ती मानिसमा संक्रमण हुन नपाओस ।’

जिल्ला प्रशासन रु २५ का दरले १ सय मास्क खरिद गरेको हो । जिल्लामा मास्क अभाव हुन नदिनको लागि कैदी बन्दी मास्क उत्पादन गर्न लगाउने खत्रीको भनाई छ ।