अछाममा रुखबाट लडेर १८ बर्षिया किशाेरीको मृत्यु

अछाम । अछामको तुर्माखाँद गाउँपालिकामा रुखबाट लडेर एक किशोरीको मृत्यु भएको छ ।

तुर्माखाँद गाउँपालिका–५ नाडा बैँस निवासी रामबहादुर शाहीकी छोरी १८ बर्षिया दुर्गा शाहीको सनिबार बेलुका साढे ४ बजेतिर घर नजिकै रहेको साजको रुखबाट लडेर उपचार गर्न सुर्खेत लैजाँदै गर्दा बिच बाटोमै मृत्यु भएको प्रहरी चौकी तुर्माखाँदले जानकारी दिएको छ ।
प्रहरी चौकी तुर्माखाँदका सहायक प्रहरी निरिक्षक लालबहादुर सुनारले उपचार गर्न लैजाँदै गर्दा दैलेख र सुर्खेतको सिमाना रातानाङ्ला नजिकै आईतबार बिहान ३ बजेतिर मृत्यु भएको खबर आफुलाई प्राप्त भएको बताए ।

पारिवारिक स्रोतका अनुसार समयमा नै उचार नहुँदा मृत्यु भएको हो । अछामको दुर्गम क्षेत्र भएकाले नाडा, तुर्माखाँद,गैटाणा, विनायक, दैलेख हुँदै सुर्खेत लैजाने क्रममा उनकाे बिचबाटोमा  मृत्यु भएको हो ।

दुर्गा कालिकाश्वरी माध्यामिक विद्यालय गाविसमा कक्षा १० मा अध्यनरत छात्रा हुँन् । ‘रुखमा घाँस काट्ने क्रममा लडेर उनकाे

टाउकोमा धेरै चोट लागेको थियो ।’