सुर्खेत । सामुदायिक रेडियोमैत्री कानुन बनाउनुपर्ने एक कार्यक्रमका सहभागीहरुले जोड दिएका छन ।
नवौं विश्व रेडियो दिवसका अवसरमा कर्णालीको राजधानी वीरेन्द्रनगरमा भएको कार्यक्रमका सहभागीहरुले रेडियो मैत्री कानुन बने मात्र रेडियोको विकास हुने बताएका छन ।
सहभागीहरुले सरकारले ल्याएको नयाँ सञ्चार निति सामुदायिक रेडियोहरुको हक विपरित रहेको भन्दै यसलाई सच्याउनुपर्ने माग गरेको छन ।
उनिरहरुले सार्वजनिक खरिद ऐनलाई संशोधन गरेर स्थानिय र प्रदेश तहले मिडिया मैत्री कानुन बनाउनुपर्नेमा जोड दिएका छन ।
सहभागीले संञ्चार निती बनाउदाँ सबैसंग छलफल गरे ऐन कानुन बनाउन सुझाँब दिएका छन ।
रेडिकर्मीहरुले सञ्चारमाध्यम चलाउनै समस्या हुने गरेको भन्दै राज्यले सञ्चारको महत्व वुझदै संक्षण र व्यवस्थापन गर्न आवश्यक रहेको अल्याएका छन।
कार्यक्रममा अधिकारकर्मी पवित्रा शाहीले सामुदायिक रेडियोले महिलाको क्षेत्रमा उल्लेखनिय योगदान रहेको चर्चा गर्दै अव सामाजिक विकृति हटाउने कार्यमा लाग्न रेडियोकर्मीहरूलाई आग्रह गरे ।
कार्यक्रममा पत्रकार महासंघका केन्द्रिय सदस्य कलेन्द्र सेजुवालले स्थानीय जनता र समुदायका आवाज बोल्ने रेडियोहरु थुप्रै चुनौतीको सामना गर्दै अगाडी बढ्न सफल भएको बताए ।
यस्तै बीरेन्द्रनगर नगर उपप्रमुख मोहनमाया ढकालले राजनीतिक रुपमा देशमा ठुलाठुला परिवर्तन भएपनि अन्यक्षेत्रमा परिवर्तन हुन नसकेको बताइन् ।
उनले आम नागरिकलाई सचेत बनाउने जिम्मेवारी पाएको रेडियोले व्यवस्था परिवर्तनमा महत्वपुर्ण योग्दान पु¥याएको भन्दै अव स्थानियतह र रेडियो सहकार्य गरेर अगाडी बढ्नुपर्नेमा जोड दिए ।
यस्तै कार्यक्रममा सामुदायिक रेडियो प्रसारक सङ्घका वरिष्ठ उपाध्यक्ष अर्जुन गिरीले समुदायका आवाजहरू विभिन्न तौरतरिकाबाट रेडियोमा आइरहेको भन्दै कहिकतै सरकारले रोक्ने प्रयास गरेको भन्दै दुख व्यक्त गरे ।
उनले समाचार र कार्यक्रमको माध्यमबाट आदिबासी, जनजाति, अल्पसंख्यकका आवाज सामुदायिक रेडियोले समेट्दै आएको उनले दावी गरे । कार्यक्रममा कर्णालीका आन्तरिक मामिला तथा कानून मन्त्री नरेश भन्डारीले आधारभूत आवश्यकताको लागि सङ्घर्ष गरिरहेको प्रदेशलाई समृद्धिको बाटोमा हिँडाउन सामदायिक रेडियोको भूमिका महत्वपूर्ण रहने बताए ।
उनले कर्णाली सरकारले संञ्चारक्षेत्रको विकासको लागि छिटै आमसंञ्चार प्रतिष्ठान गठन गरेर मिडिया क्षेत्रमा काम थाल्ने बताए । मन्त्री भन्डारीले समाज बदल्न सामुदायिक रेडियो र सरकार मिलेर काम गर्नुको विकल्प नभएको उल्लेख गरे ।
उनले कर्णालीमा कार्यरत पत्रकारको लागी पत्रकार विमा, आमसंञ्चार माध्यमा अध्यनको लागि छात्र वृद्भि लगायतको काम गरेको बताए ।
कार्यक्रममा प्रेस युनियनका केन्द्रिय सदस्य खगेन्द्र भट्टराई, प्रेस संगठन कर्णालीका अध्यक्ष बीरबहादुर गिरी, वानका सदस्य गणेशकञ्चन भारती, प्रदेश पाँच अकोरावका अध्यक्ष केपि घिमिरे लगायत कर्णालीका विभिन्न जिल्लाका रेडियोकर्मीहरुको सहभागीता रहेको थियो ।
