हजुरआमालाई पुर्याउन हिडेका उनि…

सुर्खेत । हजुरआमा पार्वती सिहंलाई बसपार्क पु¥याउन हिडेका केशर सिंह बसपार्क पुग्नै पाएनन् । मंगलबार विहान ८ बजेतिर हजुरआमालाई कालिकोट पठाउनको लागि फुपु पर्मिलाको साथमा उनि वीरेन्द्रनगर–३ स्थित घरबाट बसपार्कतर्फ
लागे । कालिकाेटकाे महाबै गाउँपालिका घर भएका उनि हाल वीरेन्द्रनगर ३ स्थित पतेनीमा काेठाभाडामा बस्दै आएका थिए ।

जुम्लारोड अन्र्तगत सुर्खेतको वीरेन्द्रनगर गौतम चौक नजिक उनलाई भे १ ख २२४२ नम्बरको टिप्परले उनी सवार भे ६ प २१७८ नम्बरको मोटरसाईकललाई ठक्कर दिई २० मिटर परसम्म घिसारेर लग्यो । उनको घटनास्थलमै मृत्यु भयो ।

कक्षा १२ उर्तिण गरिसकेका उनि २० वर्ष पुगेका थिए । कोरियन भाषा र भारतीय सेनामध्ये कुनै एक हुने उनको सपना थियो । सोही सपना पुरा गर्न उनि गतवर्ष माघमा प्रदेश राजधानी वीरेन्द्रनगर आए । सामान्य परिवारका उनि घरका जेठा सन्तान थिए । उनका बुवा लालबहादुर सिहं मजदुर गर्न इलाम पुगेका छन् भने आमा घरमै छिन् ।
‘घरको जेठो छोरो ३ भाई अरुपनि छन्, घरपरिवार पाल्ने र सुखी बनाउने उसको सपना थियो’ उनका काका नविन सिहंले भने, ‘उसको सपना दैवले चुडायो, अत्यन्तै दुःखित भएका छौं ।’

आफन्तहरु आन्दोलित

केशरको मृत्युपछि आफन्तहरुको आन्दोलनले मंगलबार वीरेन्द्रनगरको माहोल एकाएक तनावग्रस्त बन्यो । आन्दोलित उनिहरुले वीरेन्द्रनगर बजारमा टायर बालेर प्रदर्शन गरी सवारी साधन र पसलहरु बन्द गराए । प्रहरीले आन्दोलन रोक्नका लागि हवाइ फायर पनि ग¥यो ।

आन्दोलनलाई नियन्त्रणमा लिने प्रहरिले गरेको फायरिङ्गबाट ८ जना आन्दोलनकारीहरु घाइते भएका छन् । स्थानीयका अनुसार प्रहरीले गोली चलाउँदा जुम्लाका २५ वर्षीय महेश गौतम, दैलेखका १६ वर्षीय ह्दिेशकुमार शाही, दैलेखका १७ वर्षीय कृष्णबहादुर थापा, दैलेखकै १७ वर्षीय गोकुल गिरी, कालीकोटका कमान सिंहलगायत ८ जना घाइते भएका छन् ।
जिल्ला प्रशासन कार्यालय सुर्खेतका प्रमुख जिल्ला अधिकारी बसन्त अधिकारीका अनुसार घाइतेका आफन्तहरुसँग सहमति हुँदाहुँदै शव उठाउन नदिएपछि स्थिति नियन्त्रण लिन थप बल प्रयोग गरिएको बताइएको छ । उनका अनुसार २२ जना सुरक्षाकर्मी घाइते भएका छन् भने आन्दोलनकारीले ढुंगा प्रहार गर्दा सहायक प्रमुख जिल्ला अधिकारी समेत घाइते भएको जनाइएको छ । उनका अनुसार टिप्पर चालक र टिप्परलाई नियन्त्रणमा लिएर अनुसन्धान अघि बढाइसकेको छ । टिप्पर चालक सुर्खेतका २५ वर्षिय राजकुमार बोहोरा भएको प्रजिअ अधिकारीले जानकारी दिए ।

आन्दोलनमा विप्लवका कार्यकर्ता संलग्न रहेको आंशका

केशर सिहंको टिप्पर ठक्करबाट मृत्युपछि चर्किएको आन्दोलनमा प्रतिबन्दित पार्टि नेत्रविक्रम चन्द विप्लव नेतृत्वकाे नेकपाका ३ जना कार्यकर्ता उक्त आन्दोलनमा संलग्न रहेको जनाइएको छ ।
‘आन्दोलनकारीमध्ये १८ जनालाई नियन्त्रणमा लिएका छौं ।’ प्रजिअ अधिकारीले भने, ‘विप्लव कार्यकर्ताको संलग्नता रहेको आशंका गरिएकोले उनिहरुलाई नियन्त्रणमा लिइएको हो ।’ पक्राउ परेका उनिहरुमाथि थप अनुसन्धान भईरहेको प्रजिअ अधिकारीले बताए ।

प्रशासनद्वारा कफ्र्युु आदेश

केशर सिंहको मृत्युपछि भएको आन्दोलन चर्किएपछि जिल्ला प्रशासन कार्यालय सुर्खेतले कफ्र्युु आदेश जारी गरेको छ । मंगलबार बेलुका ६ः३० बजेदेखि बुधबार बिहान ६ः०० बजेसम्मका लागि कफ्र्युु आदेश जारी गरेको हो । सुर्खेतको पूर्वमा इत्राम खोला, पश्चिममा बाङ्गेसिमल, उत्तरमा कपासे ब्यारेक रदक्षिणमा रत्नराजमार्गको दक्षिण क्षेत्रको पाँच मिटर भित्र कफ्र्युु आदेश जारी गरिएको छ । कफ्र्यु आदेश जारी भएपछि वीरेन्द्रनगर सुनसान भएको छ ।

भिडियाे हेर्नुहाेस् :