बुलबुले उद्यान विस्तार कार्य तीव्र

सुर्खेत । कर्णाली प्रदेशको राजधानी सुर्खेतका लागि प्रमुख पर्यटकीय स्थल बुलबुले उद्यान विस्तार कार्यले तीव्रता पाएको छ । उद्यानलाई थप व्यवस्थित बनाउन निर्माण गरिने संरचना अन्तरगत अहिले ताल विस्तारको कामले तिब्रता पाएको हो । ताललाई फराकिलो बनाई नियमित डुंगा सञ्चालन गरेर आन्तरिक तथा बाह्य पर्यटकहरुको आकर्षण बढाउनको लागि विस्तार कार्यलाई तिव्रता दिईएको हो ।
ताल विस्तार कार्यपछि तालको क्षेत्रफल ३.५ बिघा क्षेत्रफलमा फैलिने जनाइएको छ । हाल तालको पूर्र्वी भागको खाली जग्गा कटान गरिएको छ । बुलबुलेमा विगतदेखि बेलाबखत डुंगा सञ्चालन गरिए पनि नियमित भने हुन सकिरहेको थिएन । तालको विस्तार पुरा भएपछि भने डुङ्गा नियमित संचालन गरि पर्यटकको आर्कषणको केन्द्र बनाउन सकिने वन तथा वातावरण निर्देशनालय सुर्खेतका निर्देशक शिवराम अधिकारीले बताए ।

विस्तारित ताल विगतको ताल भन्दा तीन गुणा ठूलो हुने बताइएको छ । यस्तै वुलबुले ताललाई पर्यटनको प्रमुख गनतव्य बनाउनका लागि आवश्यक भौतिक संरचना थप गर्न लागीएको निर्देशक अधिकारीको भनाई छ ।
बुलबुलेको विस्तारको जिम्मा अमर मजदुर जेबिले लिएको छ । विस्तार कार्यका लागि सम्झौता भएको २०७६ असरा १७ गते हो भने ९ महिना भित्र विस्तार कार्य सम्पन्न गरि सक्नु पर्ने छ । बुलबुले उद्यानमा ताल विस्तारका लागि १ करोड ८० लाख ४९ हजार २ सय ५ रुपैयाँ १५ पैसामा ठेक्का सम्झौता भएको हो ।

0 Comments

*Enter your name

*Email not valid.

*2 characters minimum.

Do not change these fields following