![यस्तो छ सरकारको नीति तथा कार्यक्रम [पूर्णपाठ]](https://dullukhabar.com/wp-content/uploads/2022/05/president-696x392-1-360x180.jpg)
सुर्खेत। कर्णाली प्रदेश सरकारले कर्णालीमा एक लाख पर्यटक भित्र्याउने लक्ष राखेको छ । नेपाल भ्रमण बर्ष २०२० मा २० लाख पर्यटक भित्राउने संघिय सरकारको लक्षलाई पुरा गर्न एक लाख पर्यटक भित्राउने लक्ष राखेको उद्योग, पर्यटन, वन तथा वातावरण मन्त्रालयले जनाएकाे छ । पर्यटक भित्राउनकाे लागि पर्यटकिय गन्तब्यहरु खोजी, पर्यटकिय क्षेत्रहरुको संरक्षण र सम्वद्र्धन गर्न शुरु गरिएको छ । पर्यटन क्षेत्रबाट कर्णालीमा रोजगारीका अवसरहरु सिर्जना गर्नेगरी मन्त्रालयले योजना बनाएको मन्त्रालयका सचिव धीरेन्द्र प्रधानले जानकारी दिए ।
कर्णालीका पर्यटकीय क्षेत्रहरुलाई व्यवस्थित गर्ने काम भइरहेको भन्दै उनले पर्यटन क्षेत्रबाटै यो प्रदेशलाई समृद्ध बनाउन सबै तहका सरकारहरु लाग्ने बताए । नेपाल भ्रमण बर्ष २०२० मा अन्य प्रदेशले धेरै योजना बनाएको भन्दै उनले कर्णाली प्रदेश भौतिक पूर्वाधारमा पछाडी रहेको भन्दै अन्य प्रदेशभन्दा कम पर्यटक भित्रिने उनले बताए । प्रदेश सरकारले अहिले पर्यटन पार्क, भिभिन्न हिमाल, ताल तलैया र गुफाहरुको संरक्षण र खोजी गरिरहेको छ ।
